Upenyu Wainga Wakadini mu Paradhiso?

Jehovha wakapa Adhamu na Evha zviro zvakawanda zvakanaka. Genesisi 1:28

Jehovha wakasika mwanakaji wokutanga, Evha, omupa kuna Adhamu kuti ave mukaji wake.—Genesisi 2:21, 22.

Jehovha wakavasika no mulangariro uye muviri wakakwana, pasina cakashaishika.

Muzi wavo wo Paradhiso wainga uri munda wo Edheni. Iwona wainga uri ndau yainga yakaseja maningi uye mainga no murambo, mumbuti yo mucero uye no zvinyama.

Jehovha waibhuya navo esivajijisa. Kudai no vakamuzwira ivona vaizorarama no kusingaperi pasi pano mu Paradhiso.

Mwari wakavavhunja kuti vasarhya mucero wo mumbuti umwe basi. Genesisi 2:16, 17

Ngirosi imwe yakapandukira Mwari. Ngirosi iyi yakashata ndi Sathana Dhiyabhorosi.

Jehovha wakakhombija Adhamu na Evha mumbuti umwe wo mu munda, uye ovavhunja kuti kudai vakarhya mucero wakona vaizofa.

Sathana wainga asikadi kuti Adhamu na Evha vazwire Mwari. Ngokudalo wakashandisa nyoka kuti ivhunje Evha kuti kudai akarhya mucero wo mumbuti wonawo, aasaizofepi, asi waizofanana na Mwari. Cokwadi kamare uku kainga kunyepa.—Genesisi 3:1-5.