Mazwi Akangwara
11 Mupimo wokucengejera, unonyenywa ndi Jehovha,
Asi mupimo kwawo, unomudakajisa.
2 Kujikuja kukaguma, kupseruka kunogumavo,
Asi vandhu vanojidodokesa, ndivona vano uzivi.
3 Kugondeka ko vandhu vakanaka, kunovatungamirira,
Kunyepa ko vandhu vanocengeja, kunozovauraisa.
4 Upfumi auzoshandi ciro pa njiku yo ushungu,
Asi kuita zvakanaka, ndikona kunoponesa mu rufu.
5 Kururama ko mundhu wakagondeka,
Kunorungamisa gwanja rake,
Asi mundhu wakashata,
Anozowa ngo zvishaishi zvake.
6 Ururami hwo vandhu vakanaka, hunozovaponesa,
Asi vandhu vanocengeja, vanozobathwa ngo zvido zvavo.
7 Mundhu wakashata paanofa, vetero yake inopera;
Zvese zvaaivetera akacijikira pa simba rake, zvinoperavo.
8 Mundhu wakanaka, anoponeswa pa matambujiko,
Asi mundhu wakashata, anogara pa ndau yake.
9 Muromo wo vapanduki, unouraya mudoni wavo,
Asi vakanaka, vanopona ngo uzivi hwavo.
10 Unyasha hwo vandhu vakanaka,
Hunodakajisa dhorobha,*
Vandhu vakashata pavanofa,
Kunozika kukhuwa* ngo kudakara.
11 Ngo makomborero o vandhu vakanaka, dhorobha rinokujwa,
Asi muromo wo vandhu vakashata, unoriwisa.
12 Mundhu acina hwiru, aareremeji mudoni wake,
Asi mundhu ano ungwaru, anogara akanyarara.
13 Murevi, anondhandhanisa zviro zvakafisika,
Asi mundhu anothembeka, anoviga zviro zvakafisika.*
14 Vandhu vacina mutungamiriri anonasa kuziva, vanowa,
Asi pano vapangiri vakawanda, zviro zvinofamba ushoni.
15 Mundhu anofiyarisi mundhu waacikazivi,
Anozowanana no zvineso kamare,
Asi mundhu anoramba kubatana nyara,* anozogara ushoni.
16 Mwanakaji wakanaka, anokujwa,
Asi mwanarume ano thima, anotorera vandhu upfumi.
18 Mundhu wakashata,
Anowana mupocero wo kucengejera,
Asi mundhu anosima zvakanaka,
Anowana mupocero wocokwadi.
19 Mundhu anovangirira pa zviro zvakanaka,
Ari mu gwanja ro upenyu.
Asi mundhu anogogoma kwenda ku zviro zvakashata,
Ari mu gwanja ro kufa.
20 Vandhu vano mwoyo wakashata,
Vanonyenywa ndi Jehovha,
Asi vandhu vanoita zviro zvakanaka, vanomudakajisa.
21 Ivai no cokwadi ici:
Vandhu vakashata, avazotami kuurawa,
Asi vana vo vandhu vakanaka, vanozopona.
Anoreja-reja maitiro akanaka.
23 Cido co vandhu vakanaka, cinoviisa muviyo waushoni,
Asi zviro zvinovetehwa ngo vandhu vakashata, zvinoviisa ushungu.
24 Kuno vandhu vanokova ngo mwoyo wese, vowana zvizinji;
Asi vamweni vanoramba kupa zvavaidikana kupa,
Vopejisira ngo kuva varombo.
25 Mundhu anokova, anozobudirira.
Mundhu anotondhoja vamweni, anojitondhoja ega.
26 Vandhu vanozotuka mundhu anoviga mbeu,
Asi vanozokomborera mundhu anoitengesa.
27 Mundhu anoita zvakanaka,
Ari kupsaka kuitihwa unyasha.
Asi mundhu anoita zvakashata,
Zvakashata zvinozomugumira kamare.
28 Mundhu anothemba upfumi, anozowa,
Asi mundhu wakanaka, anozopfikitira* inga masakani.
29 Mundhu anoviisa zvineso pamuzi pake, utaka hwake imbhepo,
Benji, rinozova murekhi wo mundhu ano uzivi.
30 Mucero wo mundhu wakanaka, ndiwona muti wo upenyu,
Mundhu anobesera vamweni kuti vaite* zvakanaka, ndiyena muzivi.
31 Kudari mundhu wakanaka ari pasi pano eciwana mupocero wake,
Tingativo kudini ngo mushaishi?