Nduyo
116 Inini ndinoda Jehovha
Ngokuti iyena anozwa izwi rangu, anozwa mukumbiro jangu jokudeketera ndecida kubeswa.
2 Ngokuti iyena anosheamija njeve yake kuti andizwe,
Inini ndinozomudaninja mu upenyu hwangu hwese.
3 Mapote o rufu akanditendeneja;
Guva randibata.*
Ndanyiswa ngo matambujiko no kusuruvara.
4 Asi ndakadaninja zina ra Jehovha ndeciti:
“Jehovha Mwari wangu, ndiponesenyi!”
5 Jehovha ano pena, iyena wakarurama;
Mwari wedu ano usizi.
6 Jehovha anongwarira vandhu vacina uzivi.
Inini ndainga ndicina simba, asi iyena wakandiponesa.
7 Upenyu hwangu, ngauzororezve,
Ngokuti Jehovha wakandiitira zviro zvakanaka.
8 Imwimwi makandiponesa mu rufu,
Mondinyaraja pandaicema no kungwarira soka yangu kuti nditame kukhugunyika.
9 Ndinozorarama no kushandira Jehovha.*
10 Ndakava no rutendo, ndovereketa;
Inini ndainga ndecitambujika maningi.
11 Ndakabathwa ngo kuthya, ndonanga kudari:
“Vandhu vese vanonyepa.”
12 Ndinozopa cinyi Jehovha,
Ngo ndava yo zviro zvese zvakanaka zvaakandiitira?
13 Ndinozotora kopo yo ruponeso,
Ndozodaninja zina ra Jehovha.
14 Ndinozokwanirisa mbhiko jangu kuna Jehovha,
Pamberi po vandhu vake vese.
15 Zvinohwaja maningi pamberi pa Jehovha,
Ikufa ko vandhu vake vakagondeka.
16 Jehovha Mwari wangu, ndinomudeketerera
Ngokuti ndiri mushandiri wenyu.
Ndiri mushandiri wenyu, mwana wo muranda kaji wenyu.
Makandisujunura pa magaragajero angu.
17 Ndinozomupa mupiro wo kubonga;
Ndozodaninja zina ra Jehovha.
18 Ndinozokwanirisa mbhiko jangu kuna Jehovha,
Pamberi po vandhu vake vese,
19 Pa ruvanje po nyumba ya Jehovha,
Pakati po Jerusarema.
Simbanyi Jehovha!*