CIJIJO 25
Ngocapi Cinangwa ca Mwari Kuno Vandhu?
Bhaibheri rinovonesa kuti upenyu hwo vandhu hwakafupika, ‘hwakazara ngo matambujiko.’ (Jobe 14:1) Waro, kureva kuti upenyu uhu ndihwona hwaida Mwari kwatiri? Ngo capi cainga cinangwa ca Mwari paakasika vandhu? Cinangwa ici cinozokwanirisika njiku iri yese? Imwimwi munozodakara ngo kuziva mupinguro wo Bhaibheri.
1. Jehovha anoda kuti tive no upenyu hwakadini?
Jehovha anoda kuti vandhu vave no upenyu hwakanaka. Paakapera kusika nyika, iyena wakadiremo vandhu vokutanga, Adhamu na Evha. Muparadhiso yakaseja, inodanijwazve kuti munda wo Edheni. Tevere “Mwari wakavakomborera eciti: ‘Barananyi muwande. Muzaje nyika, muitonge.’” (Genesi 1:28) Jehovha waida kuti Adhamu na Evha vave no vana, vacinje nyika yese kuti ive paradhiso, no kungwarira zvinyama. Cinangwa cake cainga cokuti vandhu vese vave no upenyu hwa ushoni no kupona kwenda no kwenda.
Ngo zvokadi kuti zviro azvizivi kuitika ngo njira yaida Mwari.a Asi cinangwa cake acizivi kucinja. (Isaia 46:10, 11) Mwari anoda kuti vandhu vese vanozwira vave no upenyu hwakakwana hwo kwenda no kwenda.—Verenganyi Apokaripsi 21:3, 4.
2. Tingawanisa kudini upenyu hunodakajisa nyamasi uno?
Jehovha wakatisika no cido ‘co kutungamirihwa ndiyena,’ kana cido co kumuziva no kumunamata. (Verenganyi Mateu 5:3-6.) Iyena anoda kuti vandhu vave no ushamwari naye, ‘vecifamba mu gwanja rake no kumuda.’ No kumushandira ‘ngo mwoyo wedu wese.’ (Deuteronòmio 10:12; Nduyo 25:14) Kudari tikaita izvo, tinozova no mudakaro wokadi pikija tecisongana no zvineso. Kunamata Jehovha kunoita kuti upenyu hwedu huve huno cinangwa.
NASANYI KUPSAKISISA
Jijanyi ngo pamusoro po rudo hukuru hwakakhombijwa ndi Jehovha paainasirira nyika kuitira itusu. Zivanyizve kuti Bhaibheri rinojijisenyi ngo pamusoro po cinangwa co upenyu.
3. Jehovha anoda kuti vandhu vave no upenyu hwakanakisisa
Rijanyi VHIDHIYO, perapo bhuisananyi ngo muvhunjo unotevera.
Ngenyi Mwari wakasika nyika yakaseja yakadari?
Verenganyi Mucumaeri 3:11, perapo bhuisananyi ngo muvhunjo unotevera:
Vhesi iyi inomujijisenyi ngo pamusoro pa Jehovha?
4. Cinangwa ca Jehovha acizivi kucinja
Verenganyi Nduyo 37:11, 29; Isaia 55:11 na 1 Johani 2:17, perapo bhuisananyi ngo muvhunjo unotevera:
Tinozvizivisa kudini kuti cinangwa ca Mwari kuna itusu acizivi kucinja?
Nyumba icikashandiswi zvakanaka, inganasirihwa yova yakaseja maningi. Munjira yakaezana, nyika airipi kushandiswa ngo vandhu ngo manera akanaka. Asi Jehovha anozoicinja yozogahwa ngo vandhu vanomuda
5. Kunamata Jehovha kunoita kuti upenyu hwedu huve no cinangwa
Kuziva cinangwa co upenyu kunotipekeja mudakaro. Rijanyi VHIDHIYO, perapo bhuisananyi ngo muvhunjo unotevera.
Upenyu hwa Terumi hwakacinjisa kudini pasure pokujija ngo cinangwa co upenyu?
Verenganyi Mucumaeri 12:13, perapo bhuisananyi ngo muvhunjo unotevera:
Zvecivoneka kuti Jehovha wakaita zviro zvese kwatiri, waro ngozvapi zvatinodikanavo kumuitira?
VANDHU VAMWENI VANGAMUVHUNJISA KUDARI: “Ngo capi cinangwa co upenyu?”
Imwimwi maizomudavirisa kudini?
ZVOTAJIJA
Jehovha anoda kuti vandhu vapone upenyu hwakakwana hwo kwenda no kwenda. Kudari tikanamata Jehovha ngo mwoyo wedu wese, upenyu hwedu hunova huno cinangwa kuvhira nyamasi uno.
Kuhwirijira
Ngo capi cainga cinangwa ca Jehovha kuna Adhamu na Evha?
Tinozvizivisa kudini kuti cinangwa ca Mwari kuno vandhu acizivi kucinja?
Mungaitisa kudini kuti muve no upenyu uno cinangwa?
ZIVANYI ZVIMWENI
Vonanyi zvokadi zvinokhombija kuti munda wo Edheni waingeyodi kamare.
“Munda weEdheni—Waivako Kana Kuti Ingano?” (Murindiri, No. 1 wa Janeiro wo 2011, Cishona)
Vonanyi kuti ngenyi tinodikana kuva no cokwadi cokuti nyika inozovepo kwenda no kwenda.
Vonanyi kuti Bhaibheri rinonangenyi ngo pamusoro po cinangwa co upenyu.
Joni wairangarira kuti wainga no zvese mu upenyu. Asi vonanyi kuti ngo zvapi zvaakazoziva kuti zvainga zvecicota.
a Pa cijijo cinotevera, tinozovona kuti zvicinyi zvakaphosekaro.