Gênesis
38 In dai tijd, Juda is fon sijn bruirers weggåe un hät sijn hüt upricht dicht bij air kërl fon Adulan wat Hira haite däir. 2 Dår hät Juda saie dai määke fon Sua, air kërl fon Kanaan. Dun hät Juda sex bedreewe mit eer 3 un sai däir air kind luure. Spåre hen, sai hät air kind hat un hai hät eer nent as Er. 4 un sai däir anerd kind luure un hät dat kind hat un hät eer neent as Onan 5 un sai hät anerd kind hat un hät em nent as Sela. Juda wäir in Akzib as sai dat kind kreege hät. 6 Mite tijd, hai hät ain fruug tau Er, em sijn ülst jong , uutsöcht, un sai däir Tamar haite. 7 Åwer Er, der ülst jong fon Juda, däir Jehovaa ni gefale. Dårweegen, hät Jehovaa sij leewend wegnåme. 8 Dårweegen hät Juda tau Onan sägt: Dau seks bedrijwe mit dai witfruug fon dijn braurer, dau der swågerhochtijd måkt un dau tau dijn braurer kind geewe. 9 Åwer Onan däir waite dat dat kind ni fon em wäir. Dun, as hai seks bedreewe hät mit dai fruug fon sijn braurer, hai däir em sijn schuum upe ër sprütst, taum kair kind tau em sijn braurer geewe. 10 Dat wat Onan måke däir, däir Jehovaa ni gefale. Soo, hät Jehovaa em sijn leewend uk wegnåme. 11 Juda hät tau Tamar sijn swijgertochter sägt: Dau wåne soo as witfruug in dijn papa sijne huus bet mij jong Sela groot ware däit. Weegen hai hät dacht: Sela kan uk doodblijwe soo as em sijn bruirers. Dun, is Tamar hentrekt nam huus fon sijn papa. 12 Ain tijd nåheer, Juda sijn fruug, wat Sua sijn määke wäir, is doodbleewe. Juda däir truure un nåheer is hai nam Timna gåe mit Hira, em sijn grootfründ fon Adulam, taum dai trefe wat em sijn schåp afsnijre däire. 13 Air hät tau Tamar sägt: Dijn swijgerfåter is nam Timna hengåe taum dai schåpwul afsnijre. 14 Dårweegen hät sai sijn truure tüüg uuttrekt un hät sijn anerd tüüg antrekt. Sai hät der gesicht oiwerdekt mit ain fijn dauk un hät sich taudekt mit ain slair. Sai hät sich hensete ane stråt wat nam Timna gäit, dicht bij woo ine stad fon Enain rinergäit, weegen sai hät saie dat Sela is groot woore, åwer Juda, eer sijn swijgerfåter, hät eer ni geewt as fruug tau Sela. 15 As Juda eer saie hät, hät glijk dacht dat sai ain huur wäir, weegen sai däir sijn gesicht oiwerdeke. 16 Hai is dicht bij na eer gåe ane stråt un sägt: “Låt mij t’hoop lëge mit dij, weegen hai däir ni waite dat sai em swijgertochter wäir.” Åwer sai hät frågt: “Wat däist duu mij geewe taum t’hoop lëge mit dij?” 17 Hai hät antwoordet: “Ik dau dij ain fon mijn seeg henschike.” Åwer sai hät em frågt: “Däist duu mij wat geewe bet’s duu dai schike däist?” 18 Hai hät sägt: “Wat kan ik dij geewe taum upwijse dat ik dij dat schike dau?” Sai hät antwoordet: “Dijne ring, dijne käär un dai ståk wat’s duu fast hule däist.” Hai hät eer dat geewt un hät seks bedreewe mit eer un sai däir air kind luure. 19 Nåheer, is sai upståe un is loosgåe, sai hät der slair uutreekt un hät sijn truure tüüg antrekt. 28 Dår hät Juda Sua sij määke saie. Sua wäir air kërl fon Kanaan.