Gênesis

3 Jërer tijr wat sich beweege däit un wat leewe däit koine jij eete. Soo as ik uk juuch al dat gruin weesend geewt hät, ik geewt juuch uk ale dai. 4 Bloos daut ni dat flaisch fon aim tijr mit blaud eete, wat sij leewend is. 8 Dun, hät God tau Noé un tau sijn jonges wat t’hoop mit em wäire sägt: 9 “Ik dau nuu mijne akord mit juuch måke un mit dai wat nå juuch geboore ware, 10 un mit al leewig tijre wat bij juuch sin, dai fågels, dai tijre un mit al dai leewig tijre upe Ër wat mit juuch sin, ale wat uut dem kaste ruutergåe sin - al leewig tijre upe Ër. 11 Jå, ik måk mijne akord mit juuch: nij ais mër ales dat wat leewe däit wart uutrot doir dat wåter fon groote reege, un nij ais mër air groot reege foråst dai Ër.” 12 Un God hät nog mër sägt: “Dit is ain saichen fon dai akord tüschen mij un juuch un ales wat bij juuch leewe däit, ... 13 Ik måk mijne reegenbåge in dai wolken, un dai schal ain saichen sin fon dem akord tüschen mij un dai Ër. 14 Wen ik wolke oiwer dai Ër bringe dau, gans sicher dai reegenbåge wart dår saien sin. 15 Un gans sicher ik dau andenke an mijne akord, wat ik måkt häw mit juuch un mit ales wat leewt fon al sort; un dat wåter wart nij ais mër air groot reege sin taum al dat wat leewe däit uutrote. 16 Un dai reegenbåge wart saien sin ine wolke, un gans sicher ik dau der saie un dau andenke an der akord up ümer tüschen God un al sort leewig dail wat upe Ër is.”