Êxodo
6 Dun, hät Jehovaa Moisés sägt: Nuu däist duu saie wat ik tau Farao måke dau. Mit dai kraft fon mijne hand, ik dau måke dat hai eer weggåe löt. Mit dai kraft fon mijne hand, ik dau måke dat hai eer fone land ruuterschikt. 2 Dun hät God Moisés sägt: Ik bün Jehovaa. 3 Ik däir mij wijse låte tau Abraão, Isak un Jacó as dai Almächtig God, åwer wat besäge hät mit mij nåme, Jehovaa, ik häw eer ni weese wee bün ik. 4 Ik häw uk mijn akord måkt mit eer taum eer dat land fon Kanaan geewen. Dat land wat sai leewt häwe as lüür wat fon anerd land kåme däire. 5 ik häw alaine höört as Israel folk jamert hät, wem dai Egípcios mit swåre arbëd uunerdrüke däire, un ik häw an mijn akord andacht. 6 “Den, säg tau dai israelitas: ‘Ik bün Jehovaa, ik dau juuch fone swåre arbëd fraimåke un ik dau måke dat dai Egípcios juuch ni mër uunerdrüke daue. Un ik dau juuch rere mit dai kraft fon mijne hand un mit bewuunrig gerichten. 7 Ik dau juuch as mijn folk upneeme un ik war as juuch God sin un gans sicher daue jij waite dat ik bün Jehovaa, juuch God, wat juuch fone swåre arbëd in Egíto fraimökt. 8 Un ik dau juuch henlenke nam Land wat ik forspråke häw dat ik geewe däir tau Abraão, Isak un Jacó, un ik dau dai juuch geewe soo as erbschaft. Ik bün Jehovaa. 9 Moisés hät dat nåheer tau dai Israelitas sägt. Åwer sai häwe em ni horgt weegen sai forsågt wäire un weegen dai swåre arbëd. 10 Dun hät Jehovaa Moisés sägt: 11 Gå nam Farao hen, dai köönig fon Egíto, un säg em dat hai schal dai israeliten ruutergåe låte uutm land. 12 Åwer Moisés hät Jehovaa sägt: Kijk! Dai israeliten häwe mij ni horgt. Ik kan ni onlig fortele, den wosoo däit Farao mij horge? 13 Åwer Jehovaa hät werer Moisés un Arão dai ordnung geewt, wat sai geewe müste taum dai israeliten un Farao, dai köönig fon Egito, dat dai israeliten fone Egito ruutergåe låte däire. 14 Dës sin dai schefs fon dai familg fon dai israeliten. Ruben, Israel sijn ülst jong, sijn jonges. Anoque, Palu, Esron un Carmi. Dës sin Ruben sijn familg. 15 Simeon sijn jonges. Jemuel, Jamin, Oade, Jaquin, Zoar un Saul, jong fon ain fruug fon Kanaan. Dës sin Simeon sijn familg.