Levítico

13 “ ‘Wen dai drekig dail ni mër ruuterkümt fon woo dai kërl sij seeg ruuterkåme däit un hai fon dat rëgen blijwt, mut hai soiwen dåg tele taum rëgen ware, mut sijn tüüg uutwasche, sich selwst rëgenwasche mit wåter fon ain wåterkwel un soo blijwt hai rëgen. 14 In dai acht dag mut hai twai klain duuwe urer twai jong duuwe neeme un foir Jehovaa kåme in dai doir fon dai forsamlung hüt un dat tau dai praister afgeewe. 15 Un dai praister däit dai anbaire, ain wart weegen dem süün anbåre un dai anerd soo as dat wat im füür anbåre wart. Dai praister däit doir dai daile wat anbåre woore sin dai mësch sijn süün foir Jehovaa rëgen måke weegen der drekig dail wat fon em sijn körper ruuterkåme is. 16 “ ‘Wen dai schuum fon air kërl ruuterkümt, mut hai sin gans körper mit wåter rëgenwasche, un hai is nog ni rëgen bet dat åwend wart. 17 Hai mut dai tüüg mit wåter uutwasche un irgends air dail wat mit leerer måkt woore is woo sijn schuum up is un dës daile ware ni rëgen sin bet dat åwend wart. 18 “ ‘Wen air kërl seks bedrijwe däit mit ain fruug un em sijn schuum ruuterkümt, sai bëd muite sich mit wåter rëgenwasche un ware nog ni rëgen sin bet dat åwend wart. 19 “ ‘Wen blaud fon ain fruug ruuterkümt weegen sai eene dåg hät, doir soiwen dåg lang is sai ni rëgen. Wee an eer ranerstöt is ni rëgen bet dat åwend wart. 20 Solang as sai eene dåg hät up jërer dail woo sai sich henlege däit blijwt ni rëgen un ales woo sai hensete däit is uk ni rëgen. 21 Wee an eene ber ranerstöt mut sijn tüüg uutwasche un sich mit wåter rëgenwasche un is ni rëgen bet dat åwend wart. 22 Wee ranerstöt an irgends air dail woo sai sich henset hät mut sijn tüüg uutwasche un sich mit wåter rëgenwasche un is nog ni rëgen bet åwend wart. 23 Wen sai sich upe ber urer up anerd stel henset hät dai mësch wat an dës dail ranerstöt is ni rëgen bet dat åwend wart. 24 Wen air kërl seks mit ain fruug bredrijwe däit un dat blaud for eene dåg up em kümt hai wart ni rëgen sin doir soiwen dåg lang, un irgends air ber woo hai sich henlege däit wart uk ni rëgen sin. 28 “‘Åwer, wen dai blaud fon eene dåg ni mër ruuterkåme däit, sai däit soiwen dåg tele un denåste blijwt sai rëgen. 29 In dai acht dag mut sai twai klain duuwe urer twai jong duuwe neeme un däit dai tau dai praister henbringe foir dai doir fon dai forsamlung hüt. 30 Ain, däit dai praister anbaire weegen dat süün un dai anerd däit hai im füür anbaire, un dai praister däit doir dai daile wat anbåre woore sin eer süün foir Jehovaa rëgen måke weegen dat blaud wat fon eer ruuterkåme is in eene dåg. 31 “‘Jij muite dai israeliten helpe dat sai rëgen blijwe un ni doodblijwe daue for mij hüt ni ëre wat mank eer is.