João

2 Am drüre dag wäir ain hochtijd in Caná fon Galileia. Un Jësus sijn mama wäir dår. 2 Jësus un sijn jüngers wäire uk nöögt tau dai hochtijd. 3 As dai wijn bijm alwaren wäir, Jësus sijn mama säär tau em: “Sai häwe kaine wijn.” 4 Åwer Jësus hät antwoordet: “Wat häw ik un duu dårmit tau dauen? Mijn stuun is nog ni ranerkåme.” 5 Sijn mama säär dun tau dai wat dår daine däire: “Måkt wat hai tau juuch sägt.” 6 Dår wäire söss stain fasse taum wåter, nå dai geboote fon dai judeus oiwer rëgen sin, in jërer fass günge ain 44 bet 66 liter wåter riner. 7 Jësus säär tau eer: “Måkt dai fasse mit wåter ful.” Un sai häwe dai ful måkt bet ane dekel rand. 8 Dun säär hai tau eer: “Nuu fült air bits ruuter un geewt dem her fon fest dat.” Un sai häwe dat måkt. 9 As dai her fon dem fest dat wåter smäkt hät wat wijn woore wäir, ån waite woo dai wijn heer kaim (dai wat dat wåter ruuter fült häwe wüste dat), dai her fon dem fest hät der bruudman raupe 10 un hät sägt tau em: “Ale daue airste der gaure wijn uutdaile un wen dai lüür al bedrunke sin der slechte. Åwer duu, häst bet nuu hen, der gaure wijn upwårt.” 11 Jësus hät dit måkt in Caná fon Galileia, dit wäir dai anfang fon sijn wunrig daile un hät sijn herligkët weese. Un sijn jüngers häwe an em glööwt. 16 Un hai säär tau dai wat duuwe forköwte: “Måkt dës daile hijr ruuter! Hult an hanlerig måke in mijn Fåter sij huus!”