Wat is God sij wile?

God wil dat wij up ümer mit freere un frööligkët im paradijs upe Ër leewe.

Åwer amin däist duu dij fråge: ‘Wosoo kan dat sin?’ Dai Bijbel sägt dat God sij Regirung dat måke däit. Dai sägt uk dat God wil dat al lüür lëre oiwer sij Regirung un sijne wile tau oos. — Salmo 37:11, 29; Isaías 9:7.

God wil dat best tau oos.

Soo as air lijb fåter dat best tau sijn kiner wil, soo uk oos himlisch Fåter wil dat wij frööligkët up ümer häwe. (Isaías 48:17, 18) God hät forspråke dat dai mësch ‘wat Sijne wile mökt up ümer bliwt’. —1 João 2:17.

God wil dat wij up sijn weegs gåe.

Dai Bijbel sägt God wil ‘oos inlëre oiwer sijn weeg’ dat wij up dem gåe koine. (Isaías 2:2, 3) Hai hät air folk tau sijn nåme uutsöcht un inlërt taum sijne wile upe ganse Ër bekandmåke. — Atos 15:14.

God wil dat wij em in ainigkët anbeere.

Airer as dai lüür uutenanerbringe, dai wår gloobe an Jehovaa bringt dai lüür in ainigkët doir dat wår lijb. (João 13:35) Wee däit dai lüür hüüt ine ganse wild inlëre God in ainigkët dijne? Wij nööge dij taum dai antwoort in dit heft fijne.