2^te bet 8^te september

DAILE MIT GROOTE WËRD WAT INE BIJBEL STÅE

1. Wijs dat’s duu Jehovaa sij herlige nåme lijbst

(10 min)

Måk nischt wat schåm tau Jehovaa bringt (Sal 79:9, Wat Bekandmökt 02/17 sijr 9 par 5)

Raup Jehovaa sijne nåme an (Sal 80:18, Textos Bíblicos Explicados sijr 3 par 4 un 5)

Jehovaa däit beloone dai wat em horge daue un lijb wijse up sijne nåme (Sal 81:13 un 16)

In eer arbëd, solang as sai air bits anhule häwe taum kafe drinke, air braurer däit air setel fon jw.org afgeewe tau aim wat mit em arbërt. — Dat dai lüür gaud oiwer Jehovaa sijne nåme fortele weegen dat wat wij måke, wij muite klår låte dat wij Tüügen fon Jehovaa sin

2. Daile mit groote wërd wat’s duu ine Bijbel lërt häst

(10 min)

Sal 80:1 - Woweegen wäir wekmåls dai gans Israel folk nent soo as José? (Perspicaz 2 sijr 145)

Geew dijn antwoord
Wat häst duu lërt in dat leesen fon dës week?

Geew dijn antwoord

3. Dat leesen

(4 min) Leew up ümer lustig! kap 27 sijr 111 (Beeter Leese kap 10)

DAU BEETER PREEGE UN INLËRE

4. Taum dai lüür anreere

(1 min) HUUS BIJ HUUS. Bair ain kurs fone Bijbel an. (Lijb dai lüür kap 4 numer 4)

5. Taum dai lüür anreere

(3 min) WEN’S DUU NI UPM PREEGARBËD BÜST. Bair ain kurs fone Bijbel an. (Lijb dai lüür kap 4 numer 3)

6. Taum dai lüür anreere

(2 min) BIJ DAI BUIKERKAR UN SOO WAT. Bair ain kurs fone Bijbel an. (Lijb dai lüür kap 3 numer 3)

7. Taum werer mit dai lüür fortele

(5 min) HUUS BIJ HUUS. Bair ain kurs fone Bijbel an tau air mësch wat mër waite wul, åwer hät al dai kurs afsägt. (Lijb dai lüür kap 8 numer 3)

DAU SOO LEEWE AS JËSUS

8. ‘Sai daue mijne nåme hailig måke’

(15 min) Bijblischpreeg woo wek sich mile koine.

Dai Düüwel hät anfånge loigen oiwer Jehovaa sijne nåme fortele in dem Eden gåre. Fon dun an, dai hauptsach dail wat dai lüür un dai ängels uutsuike muite is of sai Jehovaa sijne nåme ëre daue urer ni.

Denk an wek fon dai loigen wat dai Düüwel oiwer Jehovaa sägt hät. Dai sin sër slecht. Hai säär dat soo as God regijre däit wijst kair lijb un dat hai tau streng is. (Gên 3:1 bet 6, Jó 4:18 un 19) Hai sägt dai wat God horge, daue ni em wirklig lijbe. (Jó 2:4 un 5) Un nog, hai hät sër feel lüür inreert dat Jehovaa ni dës faine wild måkt hät. (Rom 1:20 un 21)

Wat däist duu forneeme wen’s duu dës loigen hööre däist? Kan sin, wilst duu sër gërn Jehovaa bijståe! Jehovaa wüst dat em sij folk em sij nåme hailig måke wul. (Isa 29:23) Wosoo kast duu dårmit helpe?

Help andrer Jehovaa kene un lijbe. (João 17:25 un 26) Wäs ümer trecht taum wijsen dat God wirklig giwt un taum andrer inlëre oiwer em sijn gaure moors. (Isa 63:7)
Lijb Jehovaa mit dijne ganse härts. (Mat 22:37 un 38) Horg Jehovaa weegen duu wilst em fröölig låte, ni bloos weegen dai gaure daile wat dårfon ruuterkåme. (Pro 27:11)

Bijler: Stüke fon dem video “Dat lijb wart nij ais al lijkerst . . . wen dai lüür fone schaul dij inreere wile”. 1. Ariel is ine schaul, däit site un air jong däit dai finger nam eer henhule un frögt woweegen däit sai ni dai fån låwe. 2. Sai däit eer aigen bijbelstuun måke mit dai Bijbel un mit dat bauk “Aprenda com as Histórias da Bíblia” in dai kapitel 61. 3. Sai stäit foir dai andrer kiner un däit sij gloobe uutdüüre. 4. Air jong fone schaul däit ain eletronik cigar tau Diego anbaire. 5. Hai däit ain tablet benutse taum upsuiken måke. 6. Hai däit sich grijne un kijkt foirwärts solang as hai fone schaul ruutergäit.

Wijs der VIDEO “Dat lijb wart nij ais al lijkerst . . . wen dai lüür fone schaul dij inreere wile”. Nåheer dau fråge:

Wosoo häwe Ariel un Diego Jehovaa sijne nåme bijståe?

Geew dijn antwoord
Woweegen häwe sai wut Jehovaa bijståe?

Geew dijn antwoord
Wosoo kast duu eer nåmåke?

Geew dijn antwoord

9. Bijbelstuun ine gemaind

(30 min) Blijw bij preege kap 15 par 1 bet 7 un wat stäit up dai sijr 116