Kapitel 8
Wat kan ik måke taum gaur amigos häwe?
“Wen ik slim bün, ik bruuk aine wat mij hööre däit. Wen ik traurig bün, ik bruuk aine wat mij beschööne däit. Wen ik fröölig bün, ik wil dat mit andrer fortele. Taum mij amigos häwe is sër nöörg.” - Brittany.
FEEL lüür säge dai kiner bruuke andrer kiner taum mit eer speele, åwer dai wat al juugend sin bruuke amigos. Wat fon is dai uunerschëd?
Air wat mit oos speele däit, is bloos dai tijd mit oos t’hoop.
Air amigo is air wat an dai selwig daile glööwe däit as duu.
Dai Bijbel däit uk wijse, “dai wår amigo däit lijbe in al tijd un wart air braurer ine nood tijd.” (Provérbios 17:17) Dat wijst dat spåre hen, häwe dai lüür stärke ümgang as in der tijd as sai klain wäire!
Wårhët: Soo as duu groot ware däist, duu däist amigos bruuke wat:
1. Gaure moors häwe
2. Leewe soo as God wil
3. Wat dij lust geewe taum gaure daile
Fråg: Woo koine wij soo’ne amigos fijne? Wiman’s saie jërer ainsig fon dës 3 daile.
1. Dai juugende daue fråge - Gaure moors
Wat must duu waite? Ni ale wat säge daue dat amigos sin, sin wirklig amigos. Dai Bijbel däit sogår säge: “Wek amigos sin trecht tau air der anerd schåre.” (Provérbios 18:24) Dat kan sich bewunrig an hööre. Åwer denk: Häst duu aine amigo hat wat dij bloos benutse wul? Urer wat angeewt hät un oiwer dij hijner der nake fortelt hät? Dës daile koine måke dat’s duu dij ni mër forlåte däist up dijn amigos.a Dau andenke, is beeter wënig un gaur amigos häwe, as feel un slecht.
Wat kast duu måke? Dau amigos uutsuike wat moors häwe wat’s duu nåmåke kast.
“Ale lüür daue gaud denke oiwer mijn amiga Fiona. Ik wil dat oiwer mij uk gaud fortele schåle. Dat dai lüür mij uk soo saie as sai. Dat main ik sër gaud.” - Yvette, 17 jår.
Måk dit:
1. Lees Gálatas 5:22 un 23.
2. Fråg dij: ‘Häwe mijn amigos moors wat fon hailig gaist kåme?’
3. Dau hijr uuner hensrijwe dijn bester amigos sijn nåme un dau hensrijwe ane sijr fon jërer nåme wat fon is sijn haupt moor.
Nåme
․․․․․
Haupt moor
․․․․․
Formånen tau dij: Wen’s duu bloos slecht moors oiwer eer denke kast, den is tijd taum beeter amigos suike.
2. Leewe soo as God wil
Wat must duu waite? Ji düler as duu amigos häwe wilst, ji mër kan passijre dat’s duu slecht uutsuiken mökst. Dai Bijbel sägt: “Wee t’hoop mit dai dume gäit, gäit dat slecht.” (Provérbios 13:20) Dat woord “dume” wil ni maine dai wat ni klauk in dai schaul sin. Hijr, dit woord dume, wil maine dai wat ni gaur formånen anneeme un kain wërd geewe tau dai daile wat wirklig richtig sin. Dës sort amigos, däist duu ni bruuke!
Wat kast duu måke? Måk gaur uutsuiken. Häw kain ümgang mit irgends aim. (Salmo 26:4) Dat wil ni säge dat wij oos foirheer gedanke måke oiwer dai lüür wat wij ni kene. Åwer, däit bedüüre forståe “der uunerschëd tüschen air gerecht mësch un air slecht mësch, tüschen wee God dijnt un wee ni.” (Malaquias 3:18)
“Ik bün sër dankbår tau mijn papa un mama dat sai mij hulpe häwe gaure amigos fijne, wat dat selwig üler häwe as ik un leewe soo as God wil.” - Christopher, 13 jår.
Dau dës frågen antwoore:
Wen ik t’hoop bün mit mijn amigos, häw ik angst dat sai mij taureere wile dat ik schal måke air dail wat slecht is?
□ Jå
□ Në
Häw ik angst dat mijn papa un mama mijn amigos kene daue un maine dat sai slecht amigos sin?
□ Jå
□ Në
Formånen tau dij: Wen’s duu Jå antwoord häst tau dai frågen hijr båwen, dau beeter amigos suike, wat leewe daue soo as God wil.
3. Wat dij lust geewe taum gaure daile
Wat must duu waite? Dai Bijbel sägt: “Slechte ümgang häwe, foråst gaure moors.” (1 Coríntios 15:33) Ain juugend wat Lauren hit, sägt: “Dai wat mit mij in schaul günge, wule mij bloos anneeme wen ik måke däir dat wat sai wule. Ik däir mij alaine forneeme, dårweegen häw ik anfånge måke dai daile wat sai wule, dat sai mij anneeme däire.” Lauren hät forståe dat wen wij måke daue wat dai andrer wile, wij sin soo as speelen sachen womit dai andrer måke daue wat sai wile. Duu büst wërd beeter amigos häwe!
Wat kast duu måke? Dau ni mër ümgang häwe mit dai lüür wat dij andrijwe måke wat sai wile. Wen’s duu dit mökst, kan sin duu däist wënige amigos häwe, åwer duu däist dij beeter befijne un mitm tijd däist duu bloos ümgang häwe mit dai amigos wat dij wirklig helpe daue. (Romanos 12:2)
“Mij amigo Clint, hät gaur forstand un krijgt forståe woo dai andrer sich befijne. Hai is dai mësch wat mij mëst koråsch geewe däit.” - Jason, 21 jår.
Dau dij fråge:
Dau ik mij slecht antreke, fortele urer wat forkërd måke, bloos tau mijn amigos gefale?
□ Jå
□ Në
Gåe ik hen up wek stele woo ik ni hengåe schul bloos dat mijn amigos mij dat andrijwe?
□ Jå
□ Në
Formånen tau dij: Wen’s duu Jå antwoord häst tau dai frågen in der anerd sijr, dau dij papa un mama hülp forlange urer tau anerd mësch woo duu dij upforlåte kast. Wen’s duu al Tüüge fon Jehovaa büst, suik air ülst sij hülp tau gaur amigos fijne, wat dij lust taum gaure daile geewe daue.
LEES NOG ANDRER DAILE DÅROIWER IN DAI BAUK 2, KAPITEL 9
IN DER ANERD KAPITEL
Is air woo’s duu dij upforlåte däist urer dij härts dij taureere tau wat forkërd måke? Dau saie wat dij helpe kan dat oiwerståe.
[Footnote]
a Wij ale häwe fëgels. (Romanos 3:23) Wen air amigo dij argre däit, åwer nåheer em dat lëd däit, dau denke “dat lijb dekt feel süün tau.” (1 Pedro 4:8)
HAUPTSACH SPRUCH
“Is air amigo wat sich düler anhült as air braurer.” (Provérbios 18:24)
DUU KAST SOO MÅKE
Dau leewe nå dat wat God wil un lüür wat uk soo leewe daue, ware ümgang mit dij häwe wile. Sai sin dai best sort amigos wat’s duu häwe kast.
DÄIST DUU DAT WAITE . . .?
God däit ale oiwerain behandle, lijkerst soo hai däit gaud uutsuike wem hai in sij ‘hüt rinernööge’ däit. (Salmo 15:1 bet 5)
DAU DIJ INRICHTE!
Taum gaure amigos häwe ik dau ․․․․․
Wek lüür wat üler sin as ik un dat ik beeter kene wil ․․․․․
Ik wil dës frågen måke taum mijn papa un mama: ․․․․․
WAT DÄIST DUU ANTWOORE?
● Wat fon gaur moors fon dijn amigo hät mëre wërd tau dij un woweegen?
● Wat fon moors must duu häwe taum air beeter amigo ware?
[Groot sriwt]
As mijn papa un mama mij sägt häwe ik küün ni mit wek amigos sin, ik häw soo dacht: ‘Ik wul kain anerd amigos.’ Mijn amigos wäire naug tau mij. Åwer eer formånen is gaud wäst un mitm tijd ik häw forståe dat ik beeter amigos häwe küün.” - Cole
[TÅFEL]
Forsuik dat måke
Fortelt mit dijn papa un mama oiwer amigos. Dau eer fråge wat fon sort amigos sai hare as sai juugende wäire. Häwe sai sich lëd dår fon amigos wat sai uutsöcht häwe? Wen jå, woweegen? Dau eer uk fråge wat’s duu måke kast dat uk soo wat ni mit dij passijre däit.
Låt dat dijn papa un mama dijn amigos kenelëre. Wen’s duu angst häst dit måke, dau dij fråge: ‘Woweegen dau ik mij soo befijne?’ Sin wek daile wat dijn amigos måke daue dat dijn papa un mama ni gefale daue? Wen dit passijre däit, duu must beeter amigos uutsuike.
Dau horge. Wijs dat’s duu dij bekümre däist mit dijn amigos. (Filipenses 2:4)
Wäs forgeewig. Dau andenke dat wij ale fëgels häwe. “Wij ale daue oos feelmåls forhåke.” (Tiago 3:2)
Dau dij amigo respektijre wen dai alaine blijwe wil. Wij döre ni dai gans tijd oiwer t’hoop sin. Dai wår amigos daue dij mithelpe wen’s duu bruuke däist. (Eclesiastes 4:9 un 10)
[Bijld]
Wen wij måke daue wat dai andrer wile, wij sin soo as speelen sachen womit dai andrer måke daue wat sai wile