KAPITEL 17

Wee is Jësus wääst?

Wat updrükt woore is

Wen wij lëre daue oiwer Jësus un oiwer dai daile wat hai måkt hät un sägt hät as hai hijr upe Ër wääst is, den koine wij sijn gaure moors saie. Dat helpt oos Jësus un em sijne Fåter, Jehovaa, beeter kenelëre. Wat fon sijn wek fon dës gaure moors? Wosoo koine wij Jësus nåmåke in oos leewend?

1. Wosoo is Jësus grår as sij Fåter Jehovaa?

Jësus hät sër feel jåre mit sij Fåter im himel leewt, sogår biljone jåre, un Jësus hät feel daile lërt mit sij Fåter. Jësus denkt soo as Jehovaa, däit dai daile soo forneeme as God fornimt un mökt dai daile soo as God mökt. (Lees João 5:19) Jësus däit sij Fåter nåmåke, dårweegen hai hät sägt: “Wee mij saie däit, süüt uk mijne Fåter.” (João 14:9) Ji mër as duu lëre däist oiwer wosoo as Jësus wäir, mër däist duu Jehovaa kene. Saie dat Jësus sich bekümre däir mit dai lüür, däit wijse dat Jehovaa bekümert sich oiwer dij.

2. Wosoo hät Jësus weese dat hai Jehovaa lijbe däit?

Jësus hät sägt: “Dat dai wild waite schal dat ik der Fåter lijbe dau, dau soo måke as dai Fåter mij forordnet hät.” (João 14:31) As Jësus hijr upe Ër wääst is, hai däir sijne Fåter in ales horge, lijkerst wen dat ni licht wäir un dat däir wijse dat hai sijne Fåter lijbe däir. Oiwer sijne Fåter fortele tau andrer lüür un eer helpe gaure ümgang mit God häwe, däir Jësus sër gefale. (João 14:23)

3. Wosoo hät Jësus weese dat hai dai lüür lijbe däit?

Dai Bijbel sägt Jësus ‘däit dai lüür lijbe’. (Provérbios 8:31, nåt up briånisch) Jësus wäir gaud mit ale un däir ni aine beeter reekne as dai ande. Jësus däir dai lüür ümer koråsch geewe un däir eer helpe. Dai bewunrige daile wat Jësus måkt hät, häwe em sijn kraft weese un hät uk weese dat Jësus dai lüür beduure däir. (Marcos 1:40 bet 42) Dat wat Jësus säge däir, däir dai lüür trööste un gaiw eer hofnung. Jësus däir dai lüür soo dul lijbe dat hai sogår trecht wäir taum doodblijwe for eer. Jësus däit dai lüür lijbe wat horge daue wat hai inlërt hät. (Lees João 15:13 un 14)

DAU MËR LËRE

Dau mër lëre oiwer Jësus sijn gaure moors un dau uk lëre wosoo kast duu lijb wijse un fraigeewig sin soo as Jësus.

4. Jësus lijbt sijne Fåter

Wat Jësus måkt hät däit oos inlëre woo wij God lijbe koine. Lees Lucas 6:12, João 15:10 un 17:26. Lees jërer spruch un nåheer fortel oiwer dai fråg hijr uuner:

Woo koine wij Jësus nåmåke un wijse dat wij Jehovaa lijbe?

Jësus däit beere. — Jësus däir sijne Fåter lijbe un däir ümer beere taum mit em fortele

5. Jësus bekümert sich mit dai lüür wat hülp bruuke

Jësus däir sich düler bekümre oiwer dai lüür as mit em alaine. Hai däir sijn tijd un kraft benutse taum dai lüür mithelpe, lijkerst wen hai muir wäir. Lees Marcos 6:30 bet 44 un nåheer fortel oiwer dai frågen hijr uuner:

Wosoo hät Jësus weese dat hai sich bekümre däir mit dai lüür? (Sai dai sprüüch 31, 34, 41 un 42)
Woweegen wul Jësus dai lüür mithelpe? (Sai dai spruch 34)
Wat häwe wij lërt woo Jësus sijne Fåter nåmåke däir un wat däit oos dat inlëre oiwer Jehovaa?
Soo as Jësus, wosoo koine wij wijse dat wij oos bekümre mit dai lüür?

Jësus hät wat bewunrig måkt taum dai lüür eeten geewe. Hai hät måkt dat fijw bröör un twai fisch naug wäir taum sër feel lüür sat måke. Dai jüngers häwe dai indailt tau ale wat dår wäire, kërls, fruuges un sogår dai kiner.

6. Jësus wäir fraigeewig

Jësus har ni feel daile, åwer hai däir mit dai andrer doirdaile wat hai häwe däir. Hai sägt wij schåle dat uk soo måke. Lees Atos 20:35 un nåheer fortel oiwer dai fråg hijr uuner:

Soo as Jësus sägt hät in dësem spruch, wat kan oos lustig låte?

Kijk dai VIDEO un nåheer fortel oiwer dai fråg hijr uuner:

VIDEO: “Is mër fruir im geewen” - Stük (4:00)

Wosoo koine wij fraigeewig sin lijkerst wen wij ni feel häwe?

Wätst duu?

Dai Bijbel däit oos inlëre wij schåle tau Jehovaa beere in Jësus sij nåme. (Lees João 16:23 un 24) Wen wij soo måke daue, den daue wij wijse dat wij wërd geewe tau dat wat Jësus måkt hät, dat wij ain gaur ümgang mit Jehovaa häwe koine.

WEK DAUE SOO SÄGE: “God däit sich går ni ankëre an dat wat dai lüür doirsete daue.”