KAPITEL 22
Wosoo kast duu oiwer dai gaure nijges tau andrer fortele?
Bet nuu hen, häst duu al feel wårhëte oiwer dai Bijbel lërt. Åwer, kan sin dat’s duu denkst: ‘Ale müste dit waite!’ Duu büst richtig. Ale muite oiwer dit waite! Åwer lijkerst soo, kan ni licht sin tau dij mit dai lüür fortele oiwer dat wat’s duu lëre däist. In dës kapitel däist duu saie wosoo ais duu dai angst oiwerståe kast un dai fruir häwe taum mit dai andrer fortele oiwer dai gaure nijges.
1. Wosoo kast duu mit dai andrer fortele oiwer dat wat’s duu lëre däist?
Jësus sijn jüngers häwe sägt: “wij döre ni anhule an fortelen oiwer dai daile wat wij saie un höört häwe”. (Atos 4:20) Sai däire sër dai wårhët lijbe un wule dat fortele tau dai mëste lüür. Däist duu dij uk soo forneeme? Den, dau mit schik fortele oiwer dat wat’s duu lërt häst tau dijn fründe un tau dai lüür wat’s duu kenst. (Lees Colossenses 4:6)
Wek daile wat’s duu måke kast
Wen’s duu mit aine fründe fortele däist, duu kast soo wat säge: “Ik häw dës week wat gaures lërt.”
Dau aine bijbelspruch wijse taum aine trööste wat’s duu kene däist, wat krank is un kopbreeken hät.
Wen dai wat t’hoop mit dij arbëre daue dij fråge daue wosoo dijn uutgangsweek wääst is, dau eer wat säge wat’s duu lërt häst ine Bijbel urer upe forsamlung.
Wijst tau der wat’s duu kene däist dai site jw.org.
Dau aine nööge taum mit dij t’hoop sin wen’s duu dai Bijbel lëre däist mit Jehovaas Tüügen. Säg eer wen dai mësch dai Bijbel lëre wil mit Jehovaas Tüügen, dai kan dat forlange in jw.org
2. Woweegen däit sich dat loone preege t’hoop mit dai gemaind?
Jësus sijn jüngers däire mër måke as bloos dai gaure nijges fortele tau dai wat sai kene däire. Sai däire preege soo as Jësus eer inlërt har. Jësus hät sijn jüngers schikt “in jërer stad ümer twai t’hoop” taum dai gaure nijges preege. (Lucas 10:1) Dit hät hulpe dat nog mër lüür dai gaure nijges hööre däire. Preege t’hoop mit dai andrer däir eer groot fruir geewe. (Lucas 10:17) Mainst duu, kast duu uk preege t’hoop mit dai gemaind?
DAU MËR LËRE
Wosoo kast duu kain angst häwe un mit lust preege?
3. Jehovaa däit dij helpe
Wek wat preege wile häwe kopbreeken mit dat wat dai andrer denke urer måke daue.
Häst duu air bits angst taum mit dai andrer fortele dat wat’s duu lëre däist? Woweegen?
Kijk dai VIDEO un nåheer fortel oiwer dai fråg hijr uuner:
Wosoo häwe dai juugende koråsch kreege?
Lees Isaías 41:10 un nåheer fortel oiwer dai fråg hijr uuner:
Wosoo beere kan dij helpe taum kain angst häwe taum dai gaure nijges preege?
Wätst duu?
Feel wat hüüt Jehovaas Tüügen sin, däire maine sai krëge ni dai gaure nijges preege. Sai ais ain geschicht fon air braurer fon Rússia wat Sergey haite däit. Hai däir sich åne wërd forneeme un dårweegen wäir dat ni licht mit dai andrer fortele, åwer dun hät hai anfånge an dai Bijbel lëre. Hai hät sägt: “Ik har angst, åwer ik häw anfånge ane fortele tau der andrer dat wat ik lëre däir. Mit dai lüür oiwer dai Bijbel fortele hät måkt dat ik mij mit mëre wërd forneeme däir. Dit hät mijne nijge gloobe stärkt in mij härts.”
4. Dau mit gaurigkët fortele
Wen’s duu oiwer dai gaure nijges mit dai andrer fortele däist, dau ni bloos andenke an wat säge, åwer uk an wosoo ais dat säge. Lees 2 Timóteo 2:24 un 1 Pedro 3:15 un nåheer fortel oiwer dai frågen hijr uuner:
Wen’s duu tau dai andrer oiwer dai Bijbel fortele däist, wosoo kast duu måke dat wat dës sprüüch säge daue?
Kan sin dat wek fründe un wek lüür wat’s duu kene däist, daue dat ni anneeme. Wat kast duu måke? Un wat dörst duu ni måke?
Wat wäir dat best: Fortele mit eer mit gaurigkët, urer dat sai dat anneeme muite wat wij lërt häwe? Woweegen?
5. Oiwer dai gaure nijges mit dai andrer fortele giwt fruir
Jehovaa hät Jësus oiwergeewt dai gaure nijges preege. Wat däir Jësus hijr oiwer maine? Lees João 4:34 un nåheer fortel oiwer dat frågen hijr uuner:
Dat eeten helpt oos leewig blijwe un giwt oos lustigkët. Woweegen hät Jësus t’hooppasst God sijne wile måke, soo’s dai gaure nijges preege, mit dat eeten?
Woweegen däist duu denke dai gaure nijges preege giwt oos fruirhët?
Wek daile wat’s duu måke kast
In dai forsamlunge ine week, dau uppasse wat dår sägt wart taum mit dai andrer fortele oiwer dai gaure nijges.
Dau dijne nåme geewe taum foirstelen måke in dai forsamlung ine week. Dat däit dij mër sicherhët geewe taum mit dai andrer fortele oiwer dai Bijbel.
Benuts dai tåfels “Un wen air dij soo fråge däit” un “Feel daue soo säge”. Dës tåfels daue dij helpe frågen antwoore un wat säge tau aine mësche wat ni anneeme däit wat’s duu lërt häst.
UN WEN AIR DIJ SOO FRÅGE DÄIT: “Wat is nijg?”
Wosoo kast duu dës fråg benutse taum oiwer dai Bijbel fortele?
WAT HÄWE WIJ HIJR LËRT?
Tau dai andrer oiwer dai gaure nijges fortele giwt oos fruir un is lichter as duu denke däist.
Denk dij ais nå
Woweegen preege wij dai gaure nijges tau dai andrer?
Wosoo kast duu dit måke mit gaurigkët?
Wosoo krijgst duu dai angst taum preege oiwerståe?
TAUM MËR WAITE
Sai wosoo kast duu dere klair setel oiwer jw.org benutse taum dai gaure nijges preege.
Wen’s duu oiwer dai Bijbel fortele wilst - Klair setel oiwer jw.org (1:43)
Sai ais fair daile wat dij helpe koine oiwer dai gaure nijges fortele.
“Büst duu trecht taum lüür fische?” (Wat Bekandmökt, september 2020)
Sai air geschicht fone Bijbel wat sogår dai juugende koråsch geewe kan.
Lër wosoo kast duu oiwer dai Bijbel fortele mit dijn früün wat Jehovaa ni kene daue.
“Wosoo kast duu dijn früün helpe taum dai wårhët kenelëre?” (Wat Bekandmökt, 15 märts 2014)