Woweegen loont sich dat tauwen?

Jësus hät sägt dai wår kristen müste sich tauwe låte. (Lees Mateus 28:19 un 20) Wat bedüürt dat tauwen? Un wat mut dai mësch måke taum sich tauwe låte?

1. Wat bedüürt dat tauwen?

Dit is passijrt mit Jësus as hai sich tauwe låte hät im Jordão fluss. Sijn gans körper is uunergåe uunerm wåter. Wij waite dit, weegen nåheer dat hai sich tauwe låte hät, ‘hai is fone wåter ruuterkåme’. (Marcos 1:9 un 10) Soo as Jësus, wen dai wår kristen sich tauwe låte, dai gans körper gäit in dat wåter uuner.

2. Wat däit dai mësch wijse wen sich tauwe löt?

Dës mësch däit wijse dat dai sij leewend tau Jehovaa anbairt hät. Wat bedüürt sich anbaire? Airer as dat tauwen, dai mësch däit tau Jehovaa beere, un däit säge dat dai up ümer em dijne wil. Sai däit forsprääke bloos Jehovaa dijne un sijne wile måke. Is dat wat mëre wërd hät tau dai. Dai mësch ‘söcht ni uut sijne aigen wile måke, åwer Jësus up ümer någåe’. (Mateus 16:24) Wen air mësch sich anbaire däit tau Jehovaa un sich tauwe löt, dai kan ain stark ümgang mit Jehovaa häwe un uk mit dai wat God anbeere daue.

3. Taum sich tauwe låte wat mut air mësch måke?

Duu must oiwer Jehovaa lëre un gloobe an em häwe airer as duu dij tauwe lötst. (Lees Hebreus 11:6) Ji mër as duu God kene däist un gloobe an em häwe däist, gröter wart dij lijb up Jehovaa. Den, gans sicher duu wilst gërn oiwer em preege un soo leewe soo’s hai wil. (2 Timóteo 4:2 un 1 João 5:3) Wen dai mësch wijse däit dat dai soo leewe wil as ‘Jehovaa dat gefale däit’, kan sin dat sai sich anbaire däit un sich tauwe löt. (Colossenses 1:9 un 10)a (Kijk dai nåt)

DAU MËR LËRE

4. Wij koine sër feel lëre oiwer Jësus sijn tauwenm

Lees Mateus 3:13 bet 17 taum mër oiwer Jësus sijn tauwen lëre un nåheer fortel oiwer dai frågen hijr uuner:

• Wäir Jësus air klair kind as hai tauwt woore is?

• Wosoo is hai tauwt woore? Is bloos air bits wåter oiwer em sij kop schürt woore?

Nåm tauwen, Jësus hät aine arbëd mit groot wërd anfånge wat God em oiwergeewt har. Lees Lucas 3:21 bet 23 un João 6:38 un nåheer fortel oiwer dai fråg hijr uuner:

• Nåheer dat Jësus sich tauwe låte hät, wat fone arbëd wäir in airste stel in sij leewend?

5. Dat tauwen is air dail wat’s duu måke kast

Andenke an sich anbaire un sich tauwe låte tau Jehovaa kan ni licht sin. Åwer, mër as duu lëre däist oiwer Jehovaa un måke wat hai säge däit, lichter is sich tauwe låte. Sai wek lüür wat dit måkt häwe. Kijk dai VIDEO.

VIDEO: Wosoo koine wij oos gaure ümgang mit Jehovaa stärke? (1:11)

Lees João 17:3 un Tiago 1:5 un nåheer fortel oiwer dai fråg hijr uuner:

• Wat kan air mësch helpe sich trecht måke taum sich tauwe låte?

1. Wij daue oos tau Jehovaa anbaire. Wat bedüürt sich anbaire? Is wen wij ain gebeed tau Jehovaa måke un daue em säge dat wij em ümer dijne wile.

2. Dat tauwen wijst dat wij oos leewend tau God anbairt häwe

6. Wen wij oos tauwe låte, den daue wij tauhööre tau God sijn familg

Wen wij oos tauwe låte, daue wij tauhööre tau ain familg wat ainig un upe ganse wild is. Hät nischt sägen dai gëgend wat dai mësch kåme däit, urer woo sai uptrekt is, wij ale daue anglööwe in dai neemlig daile un horge dai neemlig geboote wat fon God kåme daue. Lees Salmo 25:14 un 1 Pedro 2:17 un nåheer fortel oiwer dai fråg hijr uuner:

• Nåm tauwen, wat fon ümgang kan dai mësch mit Jehovaa häwe un mit andrer wat em dijne daue?

WAT HÄWE WIJ HIJR LËRT?

Jësus hät inlërt dat dai wår kristen muite sich tauwe låte. Taum dit måke dai mësch mut ain stark gloobe an Jehovaa häwe, leewe soo as em gefale däit un sij leewend anbaire tau em.

Denk dij ais nå

• Wat bedüürt dat tauwen? Un woweegen hät dat soo’ne groote wërd?

• Wat hät besägen sich tau Jehovaa God anbaire un sich tauwe låte?

• Wat muite air mësch måke airer as sich anbaire däit un sich tauwe låte däit tau Jehovaa?

TAUM MËR WAITE

Dau man ais lëre wat dat tauwen wirklig bedüüre däit.

“Wat is dat tauwen?” (Stäit in jw.org taum leesen)

Lees oiwer wat dai mësch måke mut taum sich tauwe låte.

“Weegen dat lijb un dankbårkët up Jehovaa däit sich air tauwe låte.” (Wat Bekandmökt, märts 2020)

Kijk wosoo air kërl sich tauwe låte hät, åwer ni bloos weegen dat wat hai forneeme däir.

“Sai häwe mij lust geewt taum mër lëre” (Wat Bekandmökt, 1 fëbruar 2013)

Dau lëre woweegen dat tauwen soo’ne groote wërd hät un wat must duu måke taum sich tauwe låte.

“Schal ik mij tauwe låte?” (Antwooren tau dai frågen wat dai juugende måke daue, bauk 2, kapitel 37)