KAPITEL 30
Dai lüür wat’s duu lijbe däist koine werer leewe!
Wen air doodblijwe däit, dat däit oos traurig låte. Dårweegen, sägt dai Bijbel dat dai dood is soo as ain faind. (1 Coríntios 15:26) In dai kapitel 27, häst duu lërt dat Jehovaa däit dës faind uutrote. Åwer wat däit passijre mit dai lüür wat al doodbleewe sin? In dës kapitel, duu däist lëre air dail wat Jehovaa forsprääke däit - hai däit air groot grup folk upleewe, sogår biljone lüür taum up ümer leewe. Åwer däit dat wirklig passijre? Woo daue dai lüür leewe wat upleewt ware? In himel urer up Ër?
1. Wat däit Jehovaa måke tau oos fründe un lüür woo wij oos uphule däire, wat al doodbleewe sin?
Jehovaa wil sër gërn dat dës lüür werer leewe daue un hai däit dat måke. Air reäl kërl fone früüsche tijd, wat Jó haite däir, wäir sich sicher dat Jehovaa em ni forgeete däir wen hai doodblijwe däir. Hai hät tau God sägt: ‘Duu däist raupe, un ik dau dij antwoore fone graw.’ (Lees Jó 14:13 bet 15)
2. Wosoo waite wij dat dai doore upleewt ware?
As Jësus hijr up Ër wääst is, God hät em dai kraft geewt taum dai doore upleewe. Ine Bijbel leese wij, dat Jësus upleewt hät air määke wat 12 jåre har un ain witfruug sij jong. (Marcos 5:41, 42 un Lucas 7:12 bet 15) Hai hät uk Lázaro upleewt, air mësch wat hai lijbe däir. Lázaro wäir al 4 dåg ingråwe, lijkerst soo Jësus hät em upleewt. Jësus hät beert un hät soo sägt: “Lázaro, kåm ruuter!” “Dai kërl wat dood wäir is ruuterkåme”. Lázaro däir werer leewe! (João 11:43, 44) Denk woo lustig wäir sijn familg dårmit!
3. Wat fon hofnung giwt dat tau dijn fründe un tau der lüür woo’s duu dij uphule däist?
Dai Bijbel sägt “dat air upleewen fon dood geewe däit.” (Atos 24:15) Dai lüür wat Jësus upleewt hät sin ni nåm himel gåe. (João 3:13) Åwer hijr up Ër werer leewe, hät eer sër fröögt. Bald däit Jësus ain groot grup lüür, biljone lüür upleewe dat sai up ümer leewe koine, hijr up Ër. Jësus hät sägt: “ale dai wat im andenken grääwer sin”, daue werer leewe. (João 5:28, 29) Dat bedüürt dat ale dai wat im Jehovaa sijn gedanke sin daue werer leewe, sogår dai lüür wat forgeete woore sin fon ale.
DAU MËR LËRE
Sai ine Bijbel woweegen koine wij oos sicher sin dat dai doore upleewt ware, un dat dit wirklig passijre däit. Sai uk wosoo waite dat dai doore upleewt ware, kan dij werer frööge un hofnung geewe.
4. Jësus hät al weese dat hai dai doore upleewe kan
Dau mër lëre oiwer wat Jësus måkt hät taum Lázaro mithelpe, air mësch woo hai sich uphule däir. Lees João 11:14 un 38 bet 44 un nåheer fortel oiwer dai frågen hijr uuner:
Woweegen waite wij dat Lázaro wäir wirklig dood? (Sai dai spruch 39)
Jësus hät Lázaro upleewt taum werer hijr up Ër leewe, wen Lázaro im himel fröölig leewe däir, däir Jësus em tröögbringe hijr up Ër?
5. Ain groot grup lüür ware upleewt!
Lees Salmo 37:29 un nåheer fortel oiwer dai fråg hijr uuner:
Ain groot grup folk wart upleewt, woo daue sai wåne?
Jësus däit dai reäl wat God dijne däire upleewe un uk feel andrer. Lees Atos 24:15 un nåheer fortel oiwer dai fråg hijr uuner:
Wee wilst duu werer saie wat upleewt schal?
Air papa kan sij jong licht upwöke. Neemlig soo, is licht tau Jësus aine mësche upleewe.
6. Dat upleewen fom dood kan dij frööge un hofnung geewe
Feel lüür sijn sër traurig weegen air lijbe mësch doodbleewe is, un oiwer Jairo sijn määke leese däit eer sër frööge. Lees dës geschicht wat wirklig passijrt is in Lucas 8:40 bet 42 un 49 bet 56.
Airer as Jësus dat määke upleewt hät, hai hät tau Jairo sägt: “Dau dij ni ängste, häw gloobe.” (Kijk dai spruch 50) Wosoo gloobe häwe dat air upståe geewe däit kan dij helpe . . .
wen air wat’s duu lijbe däist doodblijwt?
wen dij leewend im gefärlig is?
Kijk dai VIDEO un nåheer fortel oiwer dai fråg hijr uuner:
Wosoo gloobe häwe dat air upleewen geewe däit, hät Phelicity sin papa un mama kraft geewt taum foirwärtsgåen?
WEK DAUE SOO SÄGE: “Dat is tau gaud, ik kan an dat ni glööwe, dat däit doch nij passijre.”
Wat däist duu hijr oiwer maine?
Wat fone spruch kast duu leese taum wijse dat dai doore werer leewe daue?
WAT HÄWE WIJ HIJR LËRT?
Dai Bijbel forsprääkt dat air groot grup folk daue werer leewe. Jehovaa wil dat sai upleewe daue un hät Jësus kraft geewt taum dat måke.
Denk dij ais nå
Wat wile Jehovaa un Jësus måke taum mithelpe dai wat al doodbleewe sin?
Ain groot grup folk, sogår biljone lüür ware upleewt. Woo daue sai wåne, im himel urer up Ër? Woweegen mainst duu soo?
Büst duu dij sicher dat dai lüür wat’s duu lijbe däist daue werer leewe? Woweegen?
TAUM MËR WAITE
Sai wat dij helpe kan wen air laiw mësch doodblijwt.
“Wat kan dij helpe wen air laiw mësch doodblijwt?” (Wåkt Up!, märts 2018)
Kan dai Bijbel air mësch wirklig mithelpe wat traurig is wen air lijb mësch doodbleewe is?
Wosoo kast duu air kind mithelpe wat traurig is weegen dai dood fon air lijb mësch?
Sin lüür wat upleewt ware taum im himel wåne? Wee wart ni upleewt?