KAPITEL 52
Woweegen hät feele wërd soo as wij oos antreke un uutsmüke?
Jërer ainsig fon oos hät sijne aigen schik taum sich antreke un uutsmüke. Wen wij dai formånen fone Bijbel någåe, wij krijge uutsöcht wat oos gefale däit un wat Jehovaa fröölig löt. Wiman ais wek fon dës formånen saie.
1. Wat kan oos helpe uutsuike soo as wij oos antreke un uutsmüke?
Wij sin Jehovaa sij folk, dårweegen muite wij ümer rëgen sin un oos beklëre ‘mit schik, fornünftigkët un gaure forstand’. Soo daue wij wijse ‘dat wij God horge daue’. (1 Timóteo 2:9 un 10) Sai dës fair formånen: (1) Oos ‘tüüg mut mit schik sin’. Kan sin dat’s duu al saie häst upe forsamlunge dat Jehovaa sij folk sich ni oiwerain antreke däit. Åwer, oos tüüg un soo as wij oos hår käme wijst dat wij oose God Jehovaa ëre daue. (2) Oos tüüg mut ‘fornünftig’ sin, dat bedüürt wij döre kair tüüg antreke wat mökt dat andrer forkërde gedanke häwe, un kair tüüg antreke wat oos taudul wijse däit. (3) Wen wij oos ni grår soo antreke as dai mëste lüür ine wild wijse wij ‘gaure forstand’. (4) Soo as wij oos antreke mut ümer wijse dat wij ‘God horge daue’, soo blijwt klår tau dai andrer lüür dat wij dem wår God sijne wile måke. (1 Coríntios 10:31)
2. Wosoo kan der bruirers un swesters dat angåe soo as wij oos antreke?
Is wår, wij koine uutsuike wat fone tüüg oos antreke. Åwer wij muite andenke wosoo der andrer lüür dat angäit soo’s wij oos antreke. Wij daue oos antreke up ain årt dat kair sich dårweegen slecht befijne däit. Laiwe, wij wile ‘der ande gefale in dat wat gaud is tau dem, taum der stärke’. (Lees Romanos 15:1 un 2)
3. Wosoo as wij oos antreke kan dai andrer helpe mër lëre wile oiwer Jehovaa?
Wij wile oos ümer gaud antreke, åwer uphaupt wen wij up dai forsamlunge un preegarbëd gåe. Wij wile ni dat dai lüür weegen oosem tüüg ni dai gaure nijges anneeme wat wij preege. Airer as dit, wij wile oos antreke up ain årt wat ‘uutsmükt dat lëren fon dem wat oos rert, God’, weegen dat kan dai lüür helpe oiwer Jehovaa lëre wile. (Tito 2:10)
DAU MËR LËRE
Dau saie dat dai årt soo’s wij oos antreke un uutsmüke kan dai lüür saie helpe dat wij dai wår kristen sin.
Soo’s wij oos antreke kan wijse of wij aine mësche wat macht hät respektijre urer ni. Neemlig soo, soo as wij oos antreke mut ëren tau Jehovaa wijse, lijkerst dat hai al wät wat wij ine härts häwe.
4. Sich gaud antreke däit Jehovaa ëre
Woweegen uphaupt muite wij oos bekümre soo’s wij oos antreke? Leest Salmo 47:2. Nåheer fortelt oiwer dai frågen hijr uuner:
Wij dråge Jehovaa sijne nåme. Wat hät dat besägen mit dat soo’s wij oos antreke?
Däist duu maine wij muite oos wirklig bekümre soo’s wij oos antreke wen wij up dai forsamlunge un preegarbëd gåe? Woweegen?
5. Duu kast gaur uutsuiken måke oiwer soo’s dij antreke un uutsmüke
Oos tüüg bruukt kair düür tüüg sin, åwer mut rëgen sin un sich passe tau dai stel un stuun woo wij sin. Leest 1 Coríntios 10:24 un 1 Timóteo 2:9 un 10. Nåheer fortelt oiwer woweegen dört oos tüüg ni . . .
tau lumpig sin un uk ungeschikt.
eng, uutgesneeren, fijn sin urer wat mökt dat andrer forkërde gedanke häwe.
Ine früüsche tijd, Jehovaa hät feel geboote doir Moisés tau sijm folk geewt. Dai kristen bruuke hüütsendåg ni mër dës geboote horge. Åwer dai lëre oos feel in oiwer wosoo as Jehovaa denke däit. Leest Deuteronômio 22:5. Nåheer fortelt oiwer dai fråg hijr uuner:
Woweegen döre wij kair tüüg antreke un oos hår ni soo käme wat soo löt as wen air kërl ain fruug is un ain fruug air kërl is?
Leest 1 Coríntios 10:32, 33, 1 João 2:15 un 16. Nåheer fortelt oiwer dai frågen hijr uuner:
Woweegen is gaud sich fråge: ‘Kan aim ine gemaind urer dår woo ik wån dat ni anståe soo as ik mij antrek un uutsmüke dau?’
Dår woo’s duu wånst wosoo daue dai lüür sich antreke un uutsmüke?
Mainst duu dat wäir gaud air krist sich up soo’n årt antreke un uutsmüke? Woweegen?
Wij koine oos antreke un uutsmüke up feel årts un lijkerst soo Jehovaa gefale
WEK DAUE SOO SÄGE: “Ik trek mij an wat ik wil, dat gäit der andrer nischt an.”
Denkst duu uk soo? Woweegen?
WAT HÄWE WIJ HIJR LËRT?
Wen wij gaud uutsuike wosoo oos antreke un uutsmüke, wij daue Jehovaa un dai andrer lüür ëre.
Denk dij ais nå
Woweegen hät dat wërd tau Jehovaa soo as wij oos antreke un uutsmüke?
Wat fone formånen fone Bijbel koine oos helpe uutsuike wosoo wij oos antreke un uutsmüke?
Dai årt soo’s wij oos antreke un uutsmüke kan måke dat dai lüür gaure urer slechte daile oiwer Jehovaa denke. Wosoo?
TAUM MËR WAITE
Sai wat dai lüür denke koine oiwer dij weegen dai årt soo’s duu dij antreke däist.
“Wat wijst dat oiwer mij soo’s ik mij antreke dau?” (Stäit in jw.org taum leesen)
Tatuagem: Woweegen is gaud denke airer as aine måke låte?
“Wat stäit ine Bijbel oiwer tatuagem måke?” (Stäit in jw.org taum leesen)
Dau andrer belërungs ine Bijbel suike wat dij helpe uutsuike wosoo dij antreke.
“Wijst dijn tüüg dat’s duu God horge däist?” (Wat Bekandmåkt, september 2016)
Wosoo hät ain fornünftig fruug lërt dat dai lüür sich ni ale oiwerain antreke bruuke?
“Soo’s ik mij antreke däir, däir mijne gloobe forstööre” (Wåkt Up!, 22 december 2003)