Dau dijn gemaind mithelpe

Ine ganse wild, giwt feel duusende gemainde woo miljone lüür Jehovaa sijne wile mit fruir måke. Dës lüür geewe dai formånen wat sai dår krijge feele wërd un sai wile dai gemaind mithelpe. Däist duu dij uk soo befijne oiwer dijn gemaind?

1. Wosoo kast duu dijn tijd un kraft benutse taum dai gemaind mithelpe?

Wij ale koine ine gemaind mithelpe. Denk ais: Kast duu dai nå dai forsamlunge mitneeme wat üler sin urer wat hülp bruuke? Urer kast duu eer in andrer daile mithelpe soo as wat tau eer kööpe urer een hüüser rëgenmåke? (Lees Tiago 1:27) Wij koine oos uk anbaire taum oos forsamlung stel rëgenmåke un nåarbëre helpe. Dat is ni soo as wen wij dat mit gewald måke muite. Åwer, weegen dem lijb wat wij häwe up Jehovaa un up dai bruirers un swesters daue wij oos “mit fraiwile anbaire”. (Salmo 110:3)

Jehovaas Tüügen wat al tauwt sin, koine dai gemainde nog in mër mithelpe. Dai bruirers koine sich anstrenge taum hülpsdijner un ülster sin. Soo dai bruirers un uk dai swesters koine mër upm preegarbëd måke doir pionijr sin. Wek Jehovaas Tüügen koine mithelpe dai stele buuge woo wij oos forsamle daue. Andrer treke hen up ain stel woo ain gemaind hülp bruukt.

2. Wosoo koine wij dat benutse wat wij häwe taum dai gemaind mithelpe?

Wij koine ‘Jehovaa ëre mit dat wat groote wërd tau oos hät’. (Provérbios 3:9) Wij daue mit lust gild mit fraiwile geewe taum dai gemaind un der preegarbëd ine ganse wild mithelpe. (Lees 2 Coríntios 9:7) Dat wat wij geewe wart uk benutst taum hülp ine nood geewe. Feel daue uutsuike “wat besijdlege”, doir jërer week urer jërer månat gild mit fraiwile geewe. (Lees 1 Coríntios 16:2) Wij koine dat rinermåke in dai klaine kasten in dai stele woo wij oos forsamle daue urer in internet, in donate.jw.org. Wij koine oos lijb up Jehovaa wijse doir dai årt soo’s wij dai daile benutse wat wij häwe.

DAU MËR LËRE

3. Duu kast gild mit fraiwile geewe

Jehovaa un Jësus lijbe dai wat mit fruir geewe. Jësus hät saie as ain arm witfruug gild geewt hät. Leest Lucas 21:1 bet 4. Nåheer fortelt oiwer dai frågen hijr uuner:

• Muite wij feel gild geewe taum Jehovaa gefale?

• Wosoo däit Jehovaa un Jësus sich befijne wen wij gild mit fruir geewe?

Taum saie wosoo as dat gild benutst wart wat wij geewe, kijkt der VIDEO. Nåheer fortelt oiwer dai fråg hijr uuner:

VIDEO: ‘Ain geschenk taum Jehovaa’ (4:47)

• Wosoo wart dat gild benutst taum dai gemainde ine ganse wild mithelpe?

4. Duu kast dij anbaire taum mithelpe

Ine früüsche tijd, dai wat Jehovaa horge däire, däire sër gërn dai stele uppasse woo sai sich forsamle däire. Åwer dårtau brüükt mër as bloos gild. Leest 2 Crônicas 34:9 bet 11. Nåheer fortelt oiwer dai fråg hijr uuner:

• Wosoo däire dai israeliten dat godeshuus uppasse?

Taum waiten wosoo Jehovaas Tüügen dat hüütsendåg nåmåke, kijkt der VIDEO. Nåheer fortelt oiwer dai frågen hijr uuner:

VIDEO: Dau gaud uppasse dai stele woo wij oos forsamle taum God anbeere (3:31)

• Woweegen is nöörg dai stel woo wij oos forsamle rëgen un in ordnung hule?

• Wosoo kast duu mithelpe?

5. Dai bruirers koine sich anstrenge taum mër ine gemaind måke

Doir dai Bijbel dai bruirers ware taureert taum sich anstrenge taum mër oiwersich ine gemaind häwe. Taum saie wat air braurer måkt hät, kijkt der VIDEO. Nåheer fortelt oiwer dai frågen hijr uuner:

VIDEO: Bruirers - Strengt juuch an taum aine gaure arbëd måke (5:19)

• In dem video, wat hät Ryan måkt taum mër dai gemaind mithelpe?

Ine Bijbel stäit dai gaure moors wat dai braurer häwe mut taum hülpsdijner un ülst ware. Leest 1 Timóteo 3:1 bet 13. Nåheer fortelt oiwer dai frågen hijr uuner:

• Wat fon gaure moors muite dai bruirers wijse wat hülpsdijner un ülster ware wile?

• Wat fon gaure moors mut eer familg häwe? (Kijkt dai sprüüch 4 un 11)

• Wen sich dai bruirers dårtau anstrenge, wosoo is dat gaud tau dai gans gemaind?

WAT HÄWE WIJ HIJR LËRT?

Jehovaa giwt feele wërd wen wij oos anstrenge taum dai gemaind mit oos tijd, kraft un gild mithelpe.

Denk dij ais nå

• Wosoo koine wij oos tijd un kraft benutse taum dai gemaind mithelpe?

• Wosoo koine wij oos gild benutse taum dai gemaind mithelpe?

• Wosoo wilst duu dai gemaind mithelpe?

TAUM MËR WAITE

Dau saie woweegen däit Jehovaa ni mër forlange dat wij tëgen porcent geewe daue.

“Wat stäit ine Bijbel oiwer tëgen porcent geewe?” (Stäit in jw.org taum leesen)

Ine Bijbel stäit wek daile wat oiwergeewt ware muite tau kërls wat al tauwt sin. Un wen ain fruug wat tauwt is mut dës daile uppasse?

“Dai recht taum her oiwer dai gemaind sin” (Wat Bekandmökt, fëbruar 2021)

Dau wek koråschlig Tüügen fon Jehovaa kenelëre wat sich anstrengt häwe taum buiker henbringe nå eer bruirers un swesters.

Oos buiker ware henbröcht up dai gans Congo (4:25)

Aners as dai andrer kirche, wosoo daue wij oose arbëd betåle?

“Wosoo wart oos arbëd betålt?” (Stäit in jw.org taum leesen)