DAU SOO LEEWE AS JËSUS
Dau dij soo reekne as Jehovaa dij reekne däit
‘Jehovaa lijbt sij folk.’ (Sal 149:4) Nog dat wij fëgels häwe, hai kent oos gaure moors un wät wat wij måke koine. Åwer öftens, kan ni licht sin oos aigen gaure moors saie. Kan sin, dai andrer daue oos ni gaud behandle un dårweegen daue wij denke dat wij åne wërd sin. Urer kan sin daue wij andenke an dai forkërde daile wat wij al måkt häwe, un den daue wij denke dat Jehovaa oos nij’s lijbe küün. Wat kan oos helpe wen wij oos soo forneeme?
Dau andenke dat Jehovaa saie däit wat dai lüür ni saie koine. (1 Sam 16:7) Jehovaa süüt an oos gaure daile wat wij ni saie koine, åwer doir dai Bijbel koine wij dat uk saie un dat fröögt oos sër. Wen wij dai sprüüch un geschichte fone Bijbel lëre, daue wij saie wodul däit Jehovaa lijbe dai wat em lijbe daue.
KIJK DER VIDEO “FORGEEW DIJ SELWST”. NÅHEER, DAU ANTWOORE:
Wat lëre wij oiwer wosoo as Jehovaa oos süüt in dai geschicht oiwer der jong wat löpt un sij fåter?
Wen air mësch groot süün måkt hät un hät ales måkt taum werer ümgang mit Jehovaa häwe, wat kan dai helpe ruig blijwe? (1 João 3:19 un 20)
Dai braurer hät an dai geschicht fon Davi un Jeosafá grüüwelt. Woweegen is dat gaud wääst?