Ine Bijbel stäit wat richtig un forkërd is - Passt sich dat nog hüütsendåg?
Feel lüür maine dat dat wat ine Bijbel in stäit oiwer seks un forfrigt leewend däit ni mër gile. Sogår wek lüür wat säge sai sin kristen daue soo denke. Taum dës lüür gefale, wek kirche häwe wek daile annåme wat airste soo reekent wööre as forkërd. Däit dat wat dai Bijbel inlërt wat richtig un forkërd is hüütsendåg nog gile? Jå. Sai woweegen.
Wij bruuke dat God oos inlërt wat richtig un forkërd is
God hät oos måkt, dårweegen bruuke wij dat hai oos inlëre däit. Wij sin soo måkt woore. Ine Bijbel stäit dat ‘däit nijmåls dem mësche tauhööre sijn sride lenke’. (Jeremias 10:23) Jehovaaa God hät oos måkt dat wij oos uutsuiken måke koine. Åwer hai hät oos ni måkt dat wij alaine uutsuike koine wat richtig un forkërd is un hät oos uk ni dai recht dårtau geewt. Hai wil dat wij oos upforlåte up dat wat hai sägt wat richtig un forkërd is. (Provérbios 3:5)
Taum oos helpe, God hät ine Bijbel rinersrijwe låte wat hai maint wat richtig un forkërd is. Woweegen bruuke wij sodul dat God oos inlëre däit? Dau dat saie:
God hät oos måkt. (Salmo 100:3) Dat dai Her God, Jehovaa, oos måkt hät, hai wät genau wat wij bruuke taum fröölig un gesund sin. Hai wät uk dai problems wat passijre daue mit oos wen wij em ni horge daue. (Gálatas 6:7) Jehovaa wil dat best tau oos. Ine Bijbel stäit dat Jehovaa is “dai wat dij inlërt wat beeter tau dij is, dai wat dij lenket upm weeg woo’s duu up gåe must”. (Isaías 48:17)
Ni ümer dat wat wij häwe wile is dat best tau oos. Feel lüür maine sai koine uutsuike wat richtig un forkërd is nå dat wat sai laiwe wile un wünsche daue. Sai måke uutsuiken nå dat wat sai im härts häwe. Åwer ine Bijbel stäit dat “dat härts däit düler bedraige as irgends air anerd dail un is sër unruig”. (Jeremias 17:9) Wen wij oos ni lenke låte nå God sijn klaukhët, wij daue daile måke wat nåheer oos lëd daue. (Provérbios 28:26 un Eclesiastes 10:2)
Koine dai praisters dat besijdlåte wat God sägt wat richtig un forkërd is?
Në! Dai Bijbel däit inlëre dai wårhët oiwer God un dat wat God fon oos häwe wil. God wil dai lüür schåle dat waite. (1 Coríntios 6:9 bet 11, Gálatas 5:19 bet 23 un 1 Timóteo 2:3 un 4) Dårweegen, al dai praisters muite inlëre dat wat ine Bijbel stäit. (Tito 1:7 bet 9)
Feel lüür wile dat ni horge wat God oos inlëre däit doir dai Bijbel. Dårweegen sai suike dai praisters wat eer inlëre wat eer gefale däit. (2 Timóteo 4:3) Åwer dai Bijbel formånt: “Woo traurig wart dat tau dai sin wat säge dat dat gaud is slecht un dat slecht is gaud.” (Isaías 5:20) Soo, blijwt gans klår dat dai praisters wat ni inlëre daue wat God sägt is richtig un forkërd, muite eer reeken mit God måke.
Wile dai wat nå dai Bijbel leewe dat dai andrer schåle dat uk mit gewald måke?
Në. Dai wat God gefale wil, mut dårnå leewe nå dat wat Jësus inlërt hät. Jësus hät dai wat em någünge inlërt dat sai ni dai andrer richte däire. Åwer hai hät inlërt dat sai müste dai andrer lijbe un respektijre. (Mateus 5:43 un 44 un 7:1)
Dai wat Jësus någåe daue leewe nå dat wat God inlëre däit. Åwer sai waite dat andrer koine aine ande weeg uutsuike wat ni soo is as sai leewe. (Mateus 10:14) Jësus hät ni der praisters erlaubt dat sai koine dai politik benutse dat dai andrer schåle mit gewald måke dat wat God inlërt. (João 17:14 un 16 un 18:36)
Wat fone beloonen häwe dai wat leewe nå dat wat dai Bijbel inlërt?
Dai lüür wat sich anstrenge taum nåleewe nå dat wat God sägt is richtig un forkërd, häwe nuu beloonen un uk in dai tijd foiruut. (Salmo 19:8 un 11) Wek fon dës beloonen sin:
a Dai Bijbel wijst dat Jehovaa is God sij nåme. (Salmo 83:18)