Wat sägt dai Bijbel oiwer dai hungersnood wat ine wild passijrt?
“Kair mër upe wild däit forhungre.” Dit is wat dai wat regijre häwe wile. Sai wile int raich bringe dai gröötst problem wat dai lüür häwe: dai hungersnood.a Åwer, däit aine dag kair mër hungre upe wild? Wat stäit ine Bijbel dåroiwer?
Ine Bijbel stäit hüütsendåg däir eetwår fëgle
Dai Bijbel hät foiruutsägt dat “ine lätste dåg” däir eetwår fëgle. (2 Timóteo 3:1) God hät kain schuld dat eetwår fëgle däit, åwer hai hät oos sägt dat dat passijre däir. (Tiago 1:13) Dau saie 2 profesijrs fone Bijbel.
“Eetwår wart knap . . . in aine stel nåne ande.” (Mateus 24:7) Dës profesijr sägt dat eetwår fëgle däir in feel stele upe wild. Dau saie wat wek lüür sägt häwe wat oiwer eeten studijre daue: “Dai lüür krijge ni dai hungersnood almåkt. Sai krijge uk ni eeten uutdailt wat dai lüür helpe gesund blijwe.”b Sër feel lüür up feel stele häwe ni naug eeten wat sai bruuke daue, dårweegen feel fon dës lüür blijwe dood.
“Un ik häw air swart tijr saie. Dai wat up dem rijre däir har ain wåg ine hand.” (Apocalipse 6:5) In dës profesijr, dat swart tijr un dai wat rijre däit bedüüre dai hungersnood in der lätste dåg.c Dai wat rijre däit hät ain wåg in sijne hand. Dës wåg wäir benutst taum dat eeten inknape, dat ale air bits eeten krijge däire. Solang as hai rijre däir, ain stim sägt dat dat eetwår sër düür ware däir un dat dai lüür dürste kair eetwår foråse. (Apocalipse 6:6) Dit däit wirklig hüütsendåg passijre. Sër feel lüür upe wild häwe kair gaur eeten dat sai gesund blijwe urer krijge dat ni köft.
Wosoo wart dai hungersnood al?
Dai uutstudijrte häwe sägt dat dat eeten wat upe wild geewe giwt hen taum dai ganse lüür sat måken. Den, woweegen däir eetwår fëgle? Wat däit Jehovaad God måke taum dat int raich bringe?
Problem: Dai regirungs fone lüür krijge ni dai armhët un dai ungerechtigkët almåkt. Dårweegen feel lüür daue hungre.
Wosoo wart dat int raich bröcht? Dai regirungs fone lüür måke forkërde daile, åwer sai ware ümtuuscht for air regirung wat nij ais wat forkërdes måke däit: God sij Regirung. (Daniel 2:44 un Mateus 6:10) Feel arme lüür hüüt krijge kair eeten köft. Åwer wen God sij Regirung regijre däit, dit wart ni mër passijre. Kijk wat ine Bijbel stäit oiwer Jësus Kristus, der köönig fon God sij Regirung: “Hai däit der arm fraimåke wat hülp bire däit, un uk dai gewöönlig un jërer dai wat kair helpe däit . . . Wart feel sort köörn upe Ër sin, un uk feel sort eeten båwen upm bärg.” (Salmo 72:12 un 16)
Problem: Weegen dai krijg wart dat gild knap. Dårweegen wart slimer tau feel lüür dat eeten häwe wat sai bruuke.
Wosoo wart dat int raich bröcht? God däit dai daile uutrote wat dai lüür benutse taum krijg måken. Hai däit uk uutrote dai wat dai krijgs bijståe. Ine Bijbel stäit: “[Jehovaa] bringt tau ën dai krijgs up dai ganse ër. Däit dai båge kaputbreeke un dai spijs forbreeke, un däit dai krijgwågen forbrene im füür.” (Salmo 46:9) Wen dat passijre däit ale daue den häwe dat eeten wat sai bruuke taum leewen. Ine Bijbel stäit uk: “In sijne dåg däit dai gerecht upblööge, un den giwt feele freere.” (Salmo 72:7)
Problem: Dat weerer hüüt is uute raich un feel unweerer daue passijre. Dat däit feel planterig uutrote un däit kööch, swijn, huine un andrer fai doodmåke.
Wosoo wart dat int raich bröcht? God däit måke dat kair unweerer mër passijre däit. Soo, wart lichter un beeter sin taum plante un ernte. Ine Bijbel stäit: “[Jehovaa] mökt der groote wind stil. Dai wele fone meer blijwe stil . . . Hai mökt dat dat sandland ain stel wart ful wåter un liss. Un mökt dat dat dröögland wåterkwele wart. Hai mökt dat dai uutforhungert lüür dår wåne daue . . . Sai strööge up dem land un plante wijn, wat sër feel dråge däit.” (Salmo 107:29 un 35 bet 37)
Problem: Lüür wat afgünig un slecht sin daue ni låte dat dat eeten kümt tau dai wat dat bruuke daue. Andrer daue eeten måke wat oos gesundhët wat schårt.
Wosoo wart dat int raich bröcht? God sij Regirung däit al dai slechte lüür uutrote. (Salmo 37:10 un 11 un Isaías 61:8) Ine Bijbel stäit soo oiwer Jehovaa: “Dai wat gerechtigkët mökt tau dai wat slecht behanelt ware. Dai wat brood giwt tau dai wat hunger häwe.” (Salmo 146:7)
Problem: Jërer jår sër feel kile eeten ware wegsmeete.
Wosoo wart dat int raich bröcht? Wen God sij Regirung regijre däit wart kair eeten foråst. As Jësus hijr upe Ër wääst is hai hät kair eeten foråst. Aine dag Jësus hät wat bewunrig måkt: eeten geewe tau mër as 5.000 lüür. Nå dit, hai hät tau sijn jüngers sägt: “Måkt dai stüke t’hoop wat oiwrigbleewe sin, dat nischt foråst wart.” (João 6:5 bet 13)
God sij Regirung däit almåke al dai problems woo wij oiwer fortelt häwe. Soo, al dai lüür ine ganse wild daue den gaur eeten häwe. (Isaías 25:6) Taum waiten wonair God sij Regirung dit måke däit, lees der artikel: “Quando o Reino de Deus vai governar a Terra?”
a De acordo com a Agenda 2030 para o Desenvolvimento Sustentável, adotada por todos os países-membros das Nações Unidas em 2015.
b Air uutdüüren wat måkt woore is for Organização das Nações Unidas para Agricultura e Alimentação, Fundo Internacional para o Desenvolvimento da Agricultura, Fundo das Nações Unidas para a Infância, Programa Mundial de Alimentos das Nações Unidas un Organização Mundial da Saúde.
c Taum mër waite oiwer dai 4 wat rijre daue in Apocalipse, lees der artikel: “Quem são os cavaleiros do Apocalipse?”.
d Jehovaa is God sij nåme. (Salmo 83:18) Lees der artikel: “Wee is Jehovaa?”