Häwe Jehovaas Tüügen nischt mër taum dauen mit dai wat ni mër tauhööre tau eer gemaind?
Wen air Tüüge fon Jehovaa anhule däit ane preegen urer upe forsamlunge gåe, wij koine nog mit dem fortele. Wij wile dëse mësche helpe em sij lijb up Jehovaa stärke.
Wij daue ni mit ais air mësch wat groote süün måkt hät uut dai gemaind ruuterschike. Åwer wen air Tüüge fon Jehovaa bijblijwe däit måke wat gëgen God sijn lei is un em däit dat ni lëd, dai wart uut dai gemaind ruuterschikt. Dai Bijbel wijst gans klår: “Måkt mank juuch ruuter der slechte mësche.” (1 Coríntios 5:13)
Åwer wat passijrt in ain familg woo dai kërl ruuterschikt woore is uut dai gemaind, åwer dai andrer fon sijn familg bijblijwe Jehovaa dijne? Nog dat hai ni mër tauhööre däit tau dai gemaind, åwer hai höört nog tau tau dai familg. Em sijn fruug un dai kiner daue nog em lijbe un daue em gaud behandle.
Dai lüür wat ruuterschikt woore sin uut oos gemaind koine nog up oos forsamlunge gåe. Wen sai wile, sai koine uk hülp forlange tau dai ülster fone gemaind. Dai ülster wile dai helpe wat ruuterschikt woore sin uut dai gemaind, eer sij leewend aners måke un soo werer God dijne. Wen air wat ruuterschikt woore is uut dai gemaind anhule däit wat forkërdes måke un wil måke wat ine Bijbel stäit, dai kan uk werer tauhööre tau dai gemaind.