Wat koine wij fon dai plante un al sort tijre lëre?

“Åwer wen’s duu bloos der tijre fråge däist, sai daue dij inlëre. Soo uk dai fågels am himel, sai daue dij dat fortele. Urer dau nå dai Ër kijke un sai däit dij inlëre. Un dai fische in meer daue dij dat bekandmåke.” (Jó 12:7 un 8)

HÜÜT, ine lätste jåre, dai uutgelërte daue feel oiwer dai plante un al sort tijre lëre. Sai daue wirklig någåe wat sai lëre daue. Nå dat sai dai plante un tijre sijn gaur moors gaud forståe daue, sai daue sich anstrenge taum dës moors nåmåke. Dat wart nent soo as biomimética. Sai wile dårmit nijg maschijne måke un dai wat al sin beetermåke. Wiman’s nuu saie wek tijre wat sai oiwer lëre daue. Denå dau dij fråge: ‘Wee is låwen wërd fon dës daile wat wij fon dai plante un tijre lëre daue?’

Wat lëre wij fon dai baleia sijn flügte?

Wat daue dai lëre wat luftschife måke fon dai baleia jubarte? Soo as wij saie daue, daue feel lëre. Air baleia jubarte wat gans wusse is, däit bijnå 30 duusend kilo wääge. Dat is soo as air caminhão wat sër swår belårt is. Dai baleia sij körper is ni soo waik un sai hät groot flügte taum swemen. Sai is 12 mëter lang un däit sër rasch sweme. Taum dat eeten krijge, sai wat sai måke däit: sai däit rund rümer rupersweme uuner dai fische, camarões un andrer soo as dës. Solang as sai soo sweme däit, sai mökt feel wåterblåse wat soo as ringe ware daue. Dai fische blijwe ale inspuunt in dës wåterblåse ringe wat sin bloos 1 mëter un ain halw braid. Den dai baleia mökt sij muul up un däit al dai fische ruunersluke.

Woweegen wile dai uutgelërte soo gërn mër lëre oiwer dai baleia jubarte sijn flügte? Weegen sai hät air groot körper wat ni soo waik is, åwer sai krijgt rund rümer eng sweme. Dai uutgelërte häwe ruuterfuune dat dai baleia dat måkt krijgt weegen dai schik woo sijn flügte sin. Dat stel üm dai flügte rümer is ni glat soo as dai flügte fon air luftschif. Üm dai baleia sijn flügte rümer is ful knuren.

Solang as dai baleia rasch sweme däit, dës knuren ane flügte helpe daue dat dai lichter sweme däit un ni uunergåe däit. Wosoo dat passijrt? Dat bauk Natural History däit uutdüüre dat dës knuren üm dai flügte rümer daue måke dat dat wåter lichter rund rümer loope däit, lijkerst wen dai baleia sër grår ruuper sweme däit. Wen üm dai baleia jubarte sijn flügte rümer glat wäir, krëg sai ni rund rümer rupersweme, dat wåter unruig ware däir, däir krüüselwåter måke hijner dai baleia sijn flügte un den dai baleia krëg ni soo gaud un licht sweme.

Wotau wile dai uutgelërte dat benutse wat sai ruuterfuune häwe? Sai maine dat, wen dai luftschife sijn flügte måkt wäire soo as dai baleia jubarte sijn flügte, den dai luftschife müste ni sofeel stüke häwe wat ruper un uuner sich kremple daue un ni sofeel andrer stüke taum beeter flaige. Soo’n flügte wäire lichter taum henstele urer in ordnung hule un däire mër sicherhët geewe. John Long, air uutstudijrt oiwer biomecânica, maint dat bijnå sicher bald “al dai luftschife ware flügte häwe mit knuren soo as dai flügte fon dai baleia jubarte.”

Wat lëre wij fon dai gaivota sijn flügte?

Wij waite al dat dat luftschife häwe flügte soo as dai fågels. Åwer dai uutgelërte wat dai luftschife måke daue wile dat nog beeter måke. Air sër bekand bauk, wat New Scientist hit, sägt dat dai “uutstudijrte lüür fon Universidade da Flórida häwe ain klain luftschif måkt wat flügt doir controle remoto. Dai kan ståen blijwe ine luft doir sijn flügte rasch klope un krigt uk hoog un ruuner flaige soo as ain gaivota.”

Dës fågels daue sich gaud drëge in luft. Sai daue sijn flügte bööge in dai gelenke fone elbågen un schuldren. Soo as sägt dës bauk, “dës luftschif hät bloos 61 centimëters un sijn flügte daue sich licht bööge soo as dai gaivota sijn flügte. Dårtau, dai hät ain klain motor wat wek klain stangen in dai flügte drijwe däit”. Dës flügte wat mit klaukhët måkt woore sin, daue måke dat dës klain luftschif ine luft ståen blijwe däit un mank hoog stokt hüüser ruuner flaige däit. Dai Força Aérea dos EUA wil sër gërn ain luftschif soo as dës måke taum bumb un andrer daile suike wat dai lüür schåre küüne ine groot stäärer.

Wat lëre wij fon dai lagartixa sijn fuit?

Dai tijre upe Ër daue uk oos feel inlëre soo as dai lagartixa wat ane wand un uuner boine loope däit. Fon früüer heer an, dai Bijbel däir al säge oiwer dai daile wat dës klain tijr måke forståe. (Provérbios 30:28) Woo kan ain lagartixa ane wand un uuner boine loope åne ruunerfale?

Dai lagartixa krijgt sogår ane glat stele loope, soo as glas, weegen sijn fuit hät sër klaine stüke wat sin soo as håre. Uuner sijn fuit kümt nischt ruuter wat anbake däit, hät ain sort kraft wat ni soo stark is, åwer is naug taum måke dat dai lagartixa sich ane glat stele fast grijpe däit. Dës sort kraft wart nent forças de Van der Waals. Mëstümer dai força da gravidade is stärker as dai forças de Van der Waals, dårweegen koine wij ni ane wand urer uuner boine loope bloos doir dai häin ane wand måke. Åwer dai klaine stüke uuner dai lagartixa sijn faut, wat sin soo as håre, daue dai helpe dat måke.

Wotau is gaud dit waite? Dai uutgelërte wile wat måke wat anbake däit an dai stele wat dai moors fon dai lagartixa sijn fuit nåmåke däit.a In air sër bekand bauk, wat The Economist hit, ain uutgelërt hät sägt dat air dail wat måkt ware däir soo as dai moors fon dai lagartixa sijn fuit, küün “benutst ware taum ain mësch sij slimt taubake wen kain anerd esparadrapo benutst ware küün.”

Wee muite wij danke dårfon?

Dai NASA wil ain maschijn måke wat acht bain hät un soo as ain escorpião gåe däit. Un dår in Filândia, dai uutgelërte häwe ain trator måkt mit söss bain wat roiwer dai daile kruupe däit soo as ain groot worm måke däir. Dai uutgelërte häwe uk dacht ain sort tüüg måke wat taumåke un upmåke däit soo as dai blaum fon ain sort daneboom. Ain fabrik wat wåge urer auto måke däit, wil ain nijg fon dës måke wat mökt nå dai moors fon dai fisch wat peixe-cofre hit, wat lichter doir dat wåter doirsweme däit. Ain sort auto soo as dës, däir lichter doir dat wind doirfuire, dårweegen däir mër sicherhët geewe un gasolina spåre däir. Un andrer uutgelërte daue oiwer dai conchas abalone sijn moors lëre taum borststüken taum behüüten måke wat lichter un stärker sin.

Dai uutgelërte daue sofeel lëre mit dai tijre un plante dat sai sogår ain list måkt häwe mit al dai daile wat sai al ruuterfuune häwe. Soo as dat bauk The Economist sägt, in dës list dai uutgelërte koine dai daile upsuike fon dai plante un tijre taum benutse in dai daile wat sai måke wile. Dës daile wat sai ruuterfuune häwe wat in dës list ståe, ware nent soo as “patentes biológicas”. Wat bedüürt dat? Sin leis wat wijse daue dat, wen air mësch urer ain fabrik wat nijg måke däit, dës mësch urer dës fabrik kan dat up sich aigen nåme måkelåte taum wijse dat dat em höört. In dës bauk sägt mër oiwer dës list wat dai uutgelërte måkt häwe: “Dat sai daue nene dai daile soo as ‘patentes biológicas’, dat wijst dat sai waite dat dës daile wat sai ruuterfuune häwe, daue wirklig tau dai feel sort tijre un plante tauhööre.”

Fon woo kaime al dës daile heer wat sai fon dai feel sort tijre un plante ruuterfuune häwe? Feel uutgelërte säge dat, doir miljone jårelang dai plante un feel sort tijre sin alaine upkåme un alaine beeter woore. Un soo as sai maine daue, doir dës tijdlang wek sin foirwärtsgåe, åwer andrer ni. Åwer andrer uutstudijrte daue aners denke dåroiwer. Air fon dës is Michael Behe, wat in 2005 hät soo sreewe in ain sër bekand jornal, dai The New York Times: “In dai plante un in dai feel sort tijre is gans klår weese dat ales gaud dacht urer gaud inrichtet is. Dat is neemlig soo as wen wij ain dail saie daue wat soo as ain arbel låte däit, wat gåe un srijge däit soo as ain arbel, wat kan ni ain anerd dail sin as ain arbel. Den, koine wij mit sicherhët säge dat is aine arbel.” Wat wul hai dårmit säge? “Wij koine ni säge dat dës daile ni gaud inrichtet un dacht woore sin bloos weegen dat is soo klår.”

Gans sicher, ain uutgelërt mësch wat ain luftschif flügte måke däit wat mër fast is, mër sicherhët giwt un wat beeter flaige däit, mut låwt ware dårweegen. Neemlig soo dai mësch mut låwt ware wen dai ain atadura wat best is taum üm dai slimt rümer bijne urer ain tüüg wat air mësch in dai sich beeter befijne däit urer wat ain auto urer wåge mökt wat beeter is taum fuiren. Wen ain mësch wat airst upfijne däit un andrer denå dat nåmåke däit un nischt säge dåroiwer, dat is neemlig soo as steelen.

Dai uutgelërte krijge ni gans genau nåmåke dai bewunrig daile wat sai fijne daue in dai plante un in dai feel sort tijre taum nijg daile måke urer beeter måke dai daile wat al sin. Is dat richtig dat dai uutgelërte dai daile benutse daue dat sai ruuterfuune häwe in dai tijre un in dai plante un den säge dat dës daile kaime fon nischt? Taum air dail nåmåke dai mësch mut klauk sin, is ni wår? Un taum dai airst daile måke? Mut dem uk klauk sin? Wee must duu mër låwen geewe? Dai wat airst måkt hät urer dai wat dat nåmåkt hät?

Wat häwe wij fon dit ales forståe?

Feel lüür wat an dës daile grüüwelt häwe daue denke soo as dai salmista sreewe hät: “Woo feel daile häst duu måkt, ach Jehovaa! Häst ale dai måkt mit klaukhët. Dai Ër is ful mit dijn arbëd.” (Salmo 104:24) Paulo wat dai Bijbel uk sreewe hät, hät soo wat uk sreewe: “Weegen em sijn moors wat wij ni saie koine - soo’s sijn macht up ümer un dat hai wirklig God is - sin klår saien fom anfang fone wild an, weegen dai sin forspoirt doir dai gemåkt daile.” (Romanos 1:19 un 20)

Åwer feel lüür wat an God un an dai Bijbel glööwe daue, maine dat God dai airste daile måkt hät un den hät låte dat daile alaine kaime fon dai airste un uk sich alaine beeter ware. Wat sägt dai Bijbel dåroiwer?

[Nåt]

[Groot sriwt]

Fon woo kaime al dës daile heer wat sai fon dai feel sort tijre un plante ruuterfuune häwe?

[Groot sriwt]

Wem man hööre dai daile fon dai feel sort tijre un plante?

[Tåfel/Bijler upe sijr]

Taum ain daile nåmåke dai mësch mut, klauk sin is ni wår? Un taum dai airst daile måke?

Dai lagartixa sijn fuit ware ni drekig un fon dai kåme kain slijm ruuter. Sai daue kruupe in irgends ain stel wat glat is åwer ni an dai Teflon un daue licht anbake un licht afgåe. Dai uutgelërte wile dai moors fon dai lagartixa sijn fuit nåmåke.

Dës klain luftschif kan sijn flügte rasch klope, hoog un ruuner flaige soo as ain gaivota.

Dai uutgelërte häwe dai peixe-cofre sij moors nåmåkt taum air nijg auto (wåge) måke

[Wem dai bijler höört]

Luftschift: Kristen Bartlett/ University of Florida; lagartixa sijn fuit: Breck P. Kent; peixe-cofre un auto (wåge): Mercedes-Benz EUA

[Tåfel/Bijler upe sijr]

SAI DAUE ALAINE WAITE WOO SAI HENGÅE MUITE

Feel sort tijre sin for sich selwst sër klauk soo as sai waite daue woo sai hengåe muite un woo sai tröögkåme muite nå eer huus. (Provérbios 30:24 un 25) Wiman’s saie twai fon dës.

◼ Woo waite dai amaise wat fon stig is körder taum hen un trööggåe? Woo krijge dai sleepe urer dai amaise wat blääre afsnijre daue tröögkåme nå eer nest? In Reino Unido, wek uutgelërte häwe ruuterfuune dat, nog dat dai amaise ain geruch låte daue dat dai andrer waite woo sai hengåe muite, sai daue uk dai weeg meete urer reekne taum stigs måke dat sai lichter tröögkåme nå eer nest. Dat bekand bauk wat New Scientist haite däit, sägt dat dai suker amaise daue fon dai nest feel stigs måke nå feel stele. Dës stigs koine lang urer kord sin. Woweegen is dat taum bewunren? Wen dai amaise nå dai nest tröögkåme daue, sin feel stigs woo sai gåe koine. Åwer sai daue alaine waite wat fon is dai stig wat grårer is, wat näigst is nå eere nest. Dat bauk däit uk uutdüüre dat “dit waite, däit dai amaise helpe lichter gåe un tröögkåme, lijkerst wen sai hen un trööggåe daue up dai neemlig stijg. Sai ware uk ni muir weegen sai daue genau waite dai stig woo sai gåe muite”.

◼ Woo waite dai fågels woo sai henflaige muite? Feel fågels daue wijd flaige un sai daue genau henkåme woo sai wile, lijkerst wen unweerer is. Wosoo? Dai uutgelërte häwe ruuterfuune dat dai fågels daue waite woo dai norte un dai sul fon dai Ër is. Dai Ër hät ain kraft soo as dai kraft fon dai magnet urer imã un dai fågels daue dat forneeme. Dat bauk wat Science haite däit, däit uutdüüre lijkerst dat sai waite woo dai sul un dai norte is, dat küün eer forstööre, åwer dat däit ni passijre. Woweegen? Dai uutgelërte maine dat dai fågels daue saie woo dai sün jërer dag uunergåe däit taum waite woo sai henflaige muite. Soo as dat jår forbij gäit un soo as dat weerer upe jår üminre däit, dai sün gäit uuner up andrer stele. Dai uutgelërte maine dat dai fågels häwe wat in eer, wat eer helpe daue waite wonair dai tijd ümstele däit.

Wee hät dai amaise klaukhët geewt taum waiten wat fon stig dai best is taum hengåe un tröögkåme? Wee hät dai fågels klaukhët geewt taum waite woo dai norte un dai sul is, un woo dai sün up jërer stel uunergåe däit taum waiten woo sai henflaige wile? Is dat alaine upkåme urer hät air klauk dat måkt?

[Wem dai bijler höört]

© E.J.H. Robinson 2004