Wosoo kast duu dankbår sin tau Jehovaa un Jësus oiwer dat wat sai måkt häwe tau dij?

Wosoo däist duu dij befijne, wen air wat’s duu lijbe däist dij air geschenk geewe däit? Gans sicher dit däit dij sër fröölig låte, un duu wust wijse tau dës mësch dat dai geschenk hät dij sër gefale. Jehovaa un Jësus häwe oos dat best geschenk geewt. Sai häwe dai prais betålt taum oos fraimåke fon dai süün un fon dai dood. Wosoo koine wij eer danke oiwer dës groot geschenk?

1. Wosoo koine wij wërd geewe oiwer dat wat Jehovaa un Jësus for oos måkt häwe?

Dai Bijbel sägt: ‘jërer ainsig wat gloobe an Jësus hät’ un dårnå leewe, kan up ümer leewe. (João 3:16) Wosoo koine wij dit måke? Is ni naug bloos an Jësus glööwe. Wij muite gloobe wijse an em doir dat wat wij uutsuike un dat wat wij måke daue. (Tiago 2:17) Wen wij oos gloobe wijse doir dat wat wij säge un måke, oos ümgang mit Jehovaa un Jësus wart stärke. (Lees João 14:21)

2. Wonair koine wij Jehovaa un Jësus danke oiwer wat sai måkt häwe tau oos?

Der åwend airer dat Jësus doodbleewe is, hai hät weese tau sijn jüngers wosoo sai dankbårkët wijse küüne oiwer dat wat hai måke däir. Jësus hät sägt dat sai ain forsamlung mit groot wërd måke müste. Dai Bijbel sägt dës forsamlung is dat ‘Åwendmål fon dem Her’. (1 Coríntios 11:20) Jësus wul dat sijn jüngers un ale dai wår dijners, wat nåheer kåme däire, waite schule dat hai sij leewend geewt har tau oos. Dårweegen hät Jësus sägt: “Daut dat ümer werer taum andenken an mij.” (Lucas 22:19) Wen’s duu hengåe däist up dës Åwendmål, duu däist wijse tau Jehovaa un Jësus woo dul ais duu dankbår büst weegen dat groot lijb wat sai oiwer oos häwe.

DAU MËR LËRE

3. Wat nog mër kast duu måke taum wijse dat’s duu dankbår büst?

Dau hijr ais andenke: Duu däist dij bijnå forsööpe un air mësch däit dij helpe un däit dij rere. Wat däist duu måke? Däist duu dës mësch gans un går forgeete urer däist duu em danke doir dijn gans leewend oiwer?

Weegen dat wat Jehovaa måkt hät, wij häwe dai hofnung taum up ümer leewe. Lees 1 João 4:8 bet 10 un nåheer fortel oiwer dai frågen hijr uuner:

• Woweegen is Jësus sij dood air groot geschenk tau dij?

• Wosoo däist duu dij forneeme oiwer dat wat Jehovaa un Jësus tau dij måkt häwe?

Wosoo koine wij dankbårkët wijse oiwer dat wat Jehovaa un Jësus tau oos måkt häwe? Lees 2 Coríntios 5:15 un 1 João 4:11 un 5:3. Nåheer dat jij jërer spruch leest häwe, fortel oiwer dai fråg hijr uuner:

• Doir dat wat’s duu leest häst, wat muite wij måke taum wijse dat wij dankbår sin?

4. Dau Jësus nåmåke

Anerd dail wat wij måke koine is Jësus nåmåke. Lees 1 Pedro 2:21 un nåheer fortel oiwer dai fråg hijr uuner:

• Wosoo kast duu Jësus genau nåmåke?

5. Dau dat Åwendmål fon dem Her mitmåke

Taum waite wosoo dai airst Åwendmål wääst is, lees Lucas 22:14, 19 un 20 un nåheer fortel oiwer dai frågen hijr uuner:

• Wat is passijrt in dai airst Åwendmål?

• Wat bedüürt dat brood un dai wijn? (Sai dai sprüüch 19 un  20)

Jësus wul dat sijn jüngers jërer jår dat Åwendmål måke schule, up dai neemlig dag dat hai doodbleewe is. Dårweegen daue Jehovaas Tüügen jërer jår sich t’hoop forsamle taum an Jësus sijne dood andenke, gans genau soo’s hai sägt hät. Taum mër waite oiwer dat Åwendmål fon dem Her un woweegen dat hät soo’ne groot wërd, kijk dai VIDEO un nåheer fortel oiwer dai fråg hijr uuner:

VIDEO: Andenk an Jësus sijne dood (1:41)

• Wosoo is dat Åwendmål?

Jësus däir God sij Woordlijbe, dai gaure nijges preegeun däir dai lüür mithelpe

WAT HÄWE WIJ HIJR LËRT?

Wij wijse dat wij wërd geewe daue tau dat wat Jësus måkt hät, wen wij leewe soo’s hai inlërt hät, un wen wij up dat Åwendmål jërer jår hengåe.

Denk dij ais nå

• Wat bedüürt leewe soo’s Jësus inlërt hät?

• Wat wust duu måke taum Jehovaa un Jësus danke oiwer dat wat sai måkt häwe?

• Woweegen muite wij oos anstrenge taum up dat Åwendmål hengåe?

TAUM MËR WAITE

Wat däit Jësus sij dood oos taureere måke?

Jësus hät Jehovaa ërt doir em sij körper (9:28)

Dau mër lëre wat bedüüre däit leewe soo’s Jësus inlërt hät.

“Wijst dat’s duu gloobe häst up dat wat Jehovaa forsprääke däit.” (Wat Bekandmökt, oktober 2016)

Sai wosoo ain fruug sij leewend aners woore is nåheer dat sai forståe hät wat Jësus sij dood wirklig bedüüre däit.

“Dai Bijbel mökt dat leewend aners” (Wat Bekandmökt, 1 august 2011)

Sai woweegen daue bloos wek lüür fon dem brood eete un fon dem wijn drinke in dat Åwendmål fon dem Her.

“Dat Åwendmål fon dem Her - Woweegen måke Jehovaas Tüügen dat aners?” (Stäit in jw.org taum leesen)