KAPITEL 6

Dau uutdüüre wat’s duu leest häst

João 10:33-36

WAT MUST DUU MÅKE? Dau der spruch leese un dau uutdüüre wat dat besägen hät, mit dat wat’s duu fortele däist airer as duu air anerd dail säge däist.

WOSOO KAST DUU DIT MÅKE?

Dau wijse dai oiwerste wöör wat besägen häwe mit dat wat’s duu uutdüüre däist. Duu kast dit måke wen’s duu dai oiwerste wöör fone spruch nåsäge däist. Duu kast uk frågen måke wat dai lüür helpe daue saie wat fon wöör as dit sin.

Wen’s duu nåsäge däist mit dijn aigen wöör wat dai spruch bedüürt, dau uppasse taum ni dai oiwerst dail hijnerlåte, dai lüür muite saie dat’s duu nog oiwer dësem spruch fortele däist.
Dau wijse dai oiwerst stük woo dai lüür andenke schåle. Dau uutdüüre wat dai oiwerste wöör fone spruch besägen häwe mit dat wat’s duu säge däist.

Wen’s duu der spruch leest häst dau dijn Bijbel uplåte, den daue dai lüür eer Bijbel uk uplåte un daue forståe dat wat’s duu uutdüüre däist stäit ine Bijbel.
Dau mit ainfach wöör uutdüüre. Dau ni oiwer daile fortele wat ni besägen häwe mit dat oiwerst dail. Taum uutsuiken wat fon daile wirklig nöörg sin dau andenke an dat wat dai lüür al waite daue.