Sich selwst hule krijge is gaud

WAT BEDÜÜRT SICH SELWST HULE KRIJGE?

Sich selwst hule krijge hät besägen mit:

• luure krijge

• sijn aigen wile hule krijge

• wat gans un går trechtmåke

• sich bekümre oiwer dai andrer

WOWEEGEN HÄT GROOTE WËRD SICH SELWST HULE KRIJGE?

Kiner wat sich selwst hule krijge, måke ni ales wat sai wile, lijkerst wen dat ni licht is. Mëst ümer kiner wat ni sich selwst hule krijge:

• sin grof

• häwe depressão

• daue rooke, drinke un drogas benutse

• daue daile eete wat eer gesund schåre däit

Uutgelërt lüür häwe ruuterfuune dat kiner wat sich selwst hule krijge, kan sin, ware gesuuner as lüür wat sich ni hule krijge, häwe ni sofeel kopbreeken mit dat gild un daue dai lei düler horge. Dårmit dai schaullërersch Angela Duckworth, fon ain schaul in Pensilvânia gëgend, hät ruuterfuune dat: “Is ni ais taufeel sich selwst hule.”

WOO DIJ KIND INLËRE SICH SELWST HULE KRIJGE?

Dau lëre “në” säge un dau dij woord hule.

SPRUCH FONE BIJBEL: “Låt dat juuch woord “jå”, jå bedüüre däit un juuch “në”, në.” (Mateus 5:37)

Wen dai papa un mama “në” säge daue, wekmåls dai klaine kiner ware dikköpig. Sai daue dat måke sogår foir andrer lüür. Wen dai papa un mama måke wat dai kind wil, dai däit lëre dat dikköpig sin däit eer mithelpe krijge dat wat dai wil.

Åwer, wen dai papa un mama eer woord hule, dai kind däit air dail mit groote wërd lëre: wij krijge ni ümer wat wij häwe wile. Dai dokter David Walsh hät soo sreewe: “Is bewunrig, åwer dat is soo, lüür wat dit lëre, daue frööliger uutsaie. Wijst kain lijb wen wij ni oose kiner inlëre daue dat sai ni häwe koine ales wat sai wile.”a

Wen’s duu “në” säge däist tau dijn kind fon klain up an, dit däit dai mithelpe “në” säge taum drogas, taum seks måke airer as dai forfrigt is urer taum irgends air dail wat em schåre däit wen dai groot is.

Help dij kind saie wat ruutergeewe kan wen dai dat wat richtig is urer dat wat forkërd is måke däit.

SPRUCH FONE BIJBEL: “Dat wat dai mësch ströögt, däit dai uk ernte.” (Gálatas 6:7)

Dij kind mut forståe dat kümt up an wat wij måke, däit wat ruutergeewe. Un dårweegen wen dai sich ni hule krijgt, kan dat wat slechtes ruutergeewe. Soo as, wen dij kind ni geduldig is ümer wen dai sich mit wat argret däit, kair wart dicht bij em blijwe wile. Åwer wen dai sich hule lëre däit wen andrer em wüütre urer wen dai lëre däit ni dai andrer forstööre wen dai fortele daue, dai däit andrer gefale. Help dij kind saie dat em sijn leewend beeter wart wen dai sich selwst hule krijgt.

Dau dij kind helpe saie wat fon is dat haupt dail im leewend.

SPRUCH FONE BIJBEL: “Dat jij uunersuike wat fon daile häwe mëste wërd.” (Filipenses 1:10)

Sich selwst hule krijge, däit oos helpe ni forkërd daile måke un däit oos uk helpe daile måke wat wij ni mage, åwer wat wij måke muite. Is nöörg dat dijn kiner lëre wat fon sin dai haupte daile un dai airste måke. Dai mut airste måke wat dai schaullërer oiwergeewt hät un nåheer speele.

Wäs air gaur mësch taum nåmåkt ware.

SPRUCH FONE BIJBEL: “Ik häw weese wosoo jij måke muite, dat soo as ik juuch måkt häw, jij dat uk måke schåle.” (João 13:15)

Dij kind däit saie woo duu wirke däist wen dai daile ni gaud gåe. Dau wijse doir dat wat’s duu mökst dat sich selwst hule krijge is ümer dat best. Wat däist duu måke wen dij kind dij dai geduldig wegnimt? Däist duu wüütend ware urer däist duu ruig blijwe?