Amt oiwer sich häwe bringt frööligkët

WAT BEDÜÜRT AIM SIN WAT AMT OIWER SICH HÄT?

Air mësch wat amt oiwer sich hät is air woo wij oos upforlåte koine. Is air wat sich sër anstrengt un dai arbëd ine richtig tijd trecht krijgt.

Sogår klaine kiner koine lëre amt oiwer sich häwe. Air bauk oiwer kiner uptreke sägt: “Dat kind lërt mithelpe wen dai 1 jår un 3 månate hät un wen dai 1 un aine halw jår hät, fängt dai an dai wile häwe taum andrer mithelpe. In feel gëgende kiner tüschen 5 un 7 jår ware inlërt dat huus arbëd måke un lijkerst wen dai gans klain sin krijge sai feel daile måkt taum mithelpe.”a

WOWEEGEN HÄT GROOTE WËRD AIM SIN WAT AMT OIWER SICH HÄT?

Feel juugende daue for t’huus weggåe, åwer wen dai slimhët upkåme, daue sai werer tröögkåme taum mit eer papa un mama wåne. Öftens passijrt dat, weegen dës juugende häwe ni lërt wosoo dat gild benutse, wosoo aine huus uppasse urer wosoo måke dat wat sai oiwer sich häwe.

Dårweegen is beeter nuu dijn kind inlëre dat dat em helpe däit wen dai groot wart un feel amt oiwer sich hät. Dat bauk Como Criar um Adulto sägt: “Duu warst ni wile dat dij jong dij hülp bruuke däit bet hai 18 jår hät, wen hai den sich alaine drëge mut.”

WOSOO DIJ KIND INLËRE AIM SIN WAT AMT OIWER SICH HÄT?

Geew dij kind huus arbëd taum måke.

SPRUCH FONE BIJBEL: “Jërer swår arbëd bringt beloonen.” (Provérbios 14:23)

Klain kiner mage gërn daile måke mit een papa un mama un dat sai dat gërn måke, geew eer wek daile taum t’huus måke.

Wek papa un mama mage ni gërn arbëd taum een kiner oiwergeewe, weegen sai maine dat dai kiner al feel daile taum studijre häwe.

Åwer dat kind wat in dat huus arbëd mithelpe däit wart lichte beeter gåe in dat schaul. Dat is soo weegen dat huus arbëd däit dai kiner inlëre amt oiwer sich häwe un dat trecht måke. Un in dat bauk woo oiwer wij al fortelt häwe, hät uk sägt: “Wen wij ni wërd geewe dat dai kind helpe wil, kan dai maine dat andrer helpe ni soo’n groot wërd hät un kan uk anfänge maine dat dai andrer, daile for eer måke muite.”b

Dat bedüürt dat wen dai kiner dat huus arbëd måke daue, sai lëre andrer lüür helpe un ni bloos an sich selwst denke. Sai daue uk forståe dat trecht måke wat eer oiwergeewt woore is, groote wërd taum een familg hät.

Dau dijn kind helpe anneeme dat wat ruutergeewe däit fon dat wat dai måkt hät.

SPRUCH FONE BIJBEL: “Horg dai belërung un neem dai formånen an, den warst duu klauk.” (Provérbios 19:20)

Wen dij kind wat forkërd måke däit, soo as air dail fon aim mësch kaputbreeke, dau dat ni besijdlåte. Dat kind kan anneeme dat wat ruutergiwt fon dat forkërd dail wat dai måkt hät. Wen soo wat passijre däit, kan dai forgeewen forlange un sogår dai mësch dåroiwer beloone.

Anneeme dat wat ruutergiwt weegen dai forkërde daile wat dai kiner måke daue, däit eer helpe:

• dai wårhët fortele

• ni dai andrer schuld dåroiwer geewe

• ni andrer daile schuld geewe

• forgeewen forlange ümer wen dat nöörg is