Wat fon gaure nijges hät God?

1. Wat fon gaure nijges sin dat?

Dai gaure nijges sin dës: God wil dat wij fröölig sin. Hai däit ales almåke wat oos nood bringt un däit air sër fain leewent tau ale geewe. God hät dai Ër un ales måkt wat geewe däit weegen hai däit oos lijbe. — Lees Jeremias 29:11.

Up al stele, daue wij gewald, krankhët un dood saie. Bet hüüt hen, ni air regirung hät dës daile almåkt kreege. Åwer dat giwt gaure nijges. Bald, däit God al regirung fone lüür ümtuusche up sij aigen regirung. Wen God dit mökt, daue dai lüür ni mër krank ware un häwe kain angst mër. — Lees Isaías 25:8; 33:24; Daniel 2: 44.

2. Woweegen bruuke wij sër dës gaure nijges?

Weegen wij daue feel nood doirsete. Un dës nood wart bloos al wen God dai slechte lüür fone Ër ruunerbringe däit. (Sofonias 2:3) Wonair däit hai dit måke? Bald. Wij koine oos sicher hijr oiwer sin weegen ales dat wat hüüt passijre däit. Dai Bijbel sägt dat feel slechte daile passijre däire bits airer as God dai slechte lüür uutrote däit. — Lees 2 Timóteo 3:1-5.

3. Wat muite wij den måke?

Wij muite dai Bijbel lëre. God däit oos lijbe un hät oos dai Bijbel geewt taum oos inlëre. Ine Bijbel, God sägt oos wosoo air beeter leewent nuu häwe un wat måke taum up ümer leewe. Un jërer ainsig wil up ümer leewe, is ni wår? Den, dau bijblijwe dai Bijbel lëre nog wen wek säge duu schast anhule. — Lees Provérbios 29:25; Apocalipse 14:6, 7.a