Woweegen bijblijwe lëre oiwer dai Bijbel?

1. Woweegen must duu bijblijwe dai Bijbel lëre?

Gans sicher, wat’s duu fone Bijbel lërt häst bet nuu hen hät dij lijb up Jehovaa gröter måkt. Dat dij lijb nog gröter ware kan, duu must bijblijwe dai Bijbel lëre. (1 Pedro 2:2) Duu kast leewe up ümer. Åwer dårtau, duu must dijn grootfründschaft mit God stärke. — Lees João 17:3; Judas 21.

Ji mër as duu oiwer God lëre däist, ji stärker wart dij gloobe. Dij gloobe däit dij helpe måke wat God gefült. (Hebreus 11:1, 6) Duu wist den anhule måke wat forkërd is un anfänge måke wat richtig is. — Lees Atos 3:19.

2. Wosoo kast duu dai andrer lüür helpe?

Jërer ainsig däit gërn gaure nijges fortele. Den, gans sicher, duu wist tau dai andrer fortele dai gaure nijges wat Jehovaa hät. Dat’s duu dat weese krigst dai daile wat’s duu lërt häst ine Bijbel, dau ni anhule dai Bijbel lëre. — Lees Romanos 10:13-15.

Duu kast anfänge fortele oiwer dës daile mit dijne famijlg un grootfründe. Duu bruukst ni säge dat eer religioon forkërd daile inlërt. Dau bloos oiwer dai gaure daile fortele wat God måke däit. Un nog, måk wat richtig is. Dat wat’s duu måke däist hät gröter wërd as wat’s duu säge däist. — Lees 2 Timóteo 2:24, 25.

3. Wosoo kan dai bijbelstuun dij helpe?

Dau bijblijwe dai Bijbel lëre dat dijn grootfründschaft mit Jehovaa stärker wart. Un duu kast mër as bloos grootfründ mit God sin. Duu kast sogår tauhööre tau Jehovaa sijn famijlg ine ganse wild. Dat is wat schöönes, is’t ni wår? — Lees 2 Coríntios 6:18.

4. Wosoo kan dij gloobe ümer stärker ware?

Dat airst dail wat’s duu måke must is bijblijwe dai Bijbel lëre. (Hebreus 5:13, 14) Duu kast forlange tau air Tüüge fon Jehovaa taum mit dij dai Bijbel lëre, t’hoop mit dem bauk Duu Kast dai Bijbel Forståe!. Ji mër as duu fon God, lëre däist, ji frööliger warst duu sin. — Lees Salmo 1:1-3; 73:27, 28.

Taum ümer gröter fründ mit Jehovaa sin is uk nöörg sich t’hoophule upe kristlige forsamlunge mit God sij folk. (Hebreus 10:24, 25) Jehovaa hät gaure nijges tau dij. Hai wil dat’s duu dat wår leewent häst. Wen’s duu dij anstrenge däist taum måken wat Hai wil, kast duu up ümer leewe. Is kair beeter dail as grootfründ mit God sin. — Lees 1 Timóteo 1:11; 6:19.