Air dail wat dai Bijbel mëst fortele däit is oiwer God sij Regirung. Doir dës Regirung, Jehovaa däit dai Ër air paradijs måke. Åwer wat is dës Regirung? Wosoo waite wij dat dës Regirung al inset is? Wat hät dës Regirung al måkt? Wat mökt dës Regirung nog foiruut? In dës kapitel un nog twai andrer, wij daue dai antwooren tau dës frågen fijne.

1. Wat is God sij Regirung un wee is dai köönig fon dës Regirung?

God sij Regirung, is ain Regirung wat Jehovaa måkt hät. (Mateus 4:17 un João 18:36) Dai köönig is Jësus Kristus, un hai regijrt fom himel. Dai Bijbel sägt dat Jësus ‘up ümer regijre däit’. (Lucas 1:32 un 33) Dat Jësus dai köönig is, hai däit oiwer dai ganse Ër regijre.

2. Däit Jësus alaine regijre?

Në. Hai däit ni alaine regijre. Lüür fon ale ‘rass, språk, folk un gëgende, daue t’hoop mit Jësus regijre oiwer dai Ër’. (Apocalipse 5:9, 10) Den, wofeel daue t’hoop mit Jësus regijre? Fon Jësus sijn tijd bet hüüt hen, miljone lüür sin kristen woore. Åwer, daue al dës kristen lüür mit Jësus t’hoop regijre? Në. Bloos 144.000 lüür gåe im himel, taum t’hoop regijre mit Jësus. (Lees Apocalipse 14:1 bet 4) Un al dai andrer kristen ware hijr upe Ër leewe uunerm God sij Regirung. (Salmo 37:29)

3. Woweegen is God sij Regirung beeter as dai ganse regirunge upm wild?

Nog dat dës regirunge upe Ër gaure daile måke wile, sai krijge dit ni trecht un mit dai tijd sai ware ümtuuscht up andrer regirunge wat dai lüür ni helpe wile. Åwer Jësus, dai köönig fon God sij Regirung, wart nij ais ümtuuscht up anerd. ‘God hät aine regirung inset wat nij ais uutrot wart’. (Daniel 2:44) Jësus däit oiwer dai gans Ër regijre un däit ale lüür oiwerain behandle. Hai is lijblig, gaud un gerecht, dårweegen däit hai uk inlëre dai lüür uk soo sin, soo as hai. (Lees Isaías 11:9)

4. God sij regirung däit oiwer dai gans Ër regijre

Dai kraft wat Jësus hät taum regijre is stärker as irgends ain regirung wat geewt hät. Lees Mateus 28:18 un nåheer fortel oiwer dai fråg hijr uuner:

• Dai kraft wat Jësus hät taum regijre is gans aners as wat dai lüür hijr upe Ër häwe taum regijre. Woweegen?

Dai regirunge hijr upe Ër, dai ware ümer ümtuuscht un daue bloos up wek stele upe wild regijre. Is God sij Regirung uk soo? Lees Daniel 7:14 un nåheer fortel oiwer dai frågen hijr uuner:

• God sij Regirung ‘wart nij ais uutrot’. Woweegen is dat gaud waite?

• God sij Regirung wart oiwer dai ganse Ër regijre. Woweegen is dat gaud waite?

5. Woweegen muite dai regirunge fone wild ümstelt ware?

Woweegen muite dai regirunge fon dës wild ümstelt ware up God sij Regirung? Kijk dai VIDEO un nåheer fortel oiwer dai fråg hijr uuner:

VIDEO: Wat is God sij Regirung? - Stük (1:41)

• Wat fon forkërd daile passijre weegen dai regirunge hijr upe Ër?

Lees Eclesiastes 8:9 un nåheer fortel oiwer dai fråg hijr uuner:

• Muite dai regirung fon dës wild ümstelt ware up God sij Regirung? Woweegen?

6. Dai wat God uutsöcht hät taum regijre daue oos forståe

Jësus oos köönig, hät hijr upe Ër leewt un dårweegen däit oos swakhët genau forståe. (Hebreus 4:15) Jehovaa hät 144.000 reäl kërls un fruuges uutsöcht taum t’hoop mit Jësus regijre. Lüür fone ‘al rass, språk, folk un gëgende’. (Apocalipse 5:9)

• Jësus un dai wat mit em t’hoop regijre, daue gaud un genau forståe wat wij doirsete. Wosoo däist duu dij befijne dat’s duu dit waite däist?

7. Leis wat beeter sin as dai wat wij hüütsendåg häwe

Dai regirunge fone wild måke leis taum dai lüür behüüte un helpe. Un God sij regirung hät uk leis. Lees 1 Coríntios 6:9 bet 11 un nåheer fortel oiwer dai frågen hijr uuner:

• Wosoo däir dai wild ware wen al dai lüür God sijn leis horge däire?a (Kijk dai nåt)

• Hät Jehovaa recht taum säge dat ale lüür sijn leis horge muite? Woweegen?

• Dai lüür wat God sijn leis ni horge daue koine aners ware. Wosoo waite wij dit? (Kijk dai spruch 11)

WAT HÄWE WIJ HIJR LËRT?

God sij Regirung is ain Regirung wat im himel inset woore is un wart oiwer dai gans Ër regijre.

Denk dij ais nå

• Wee is dai köönig fon God sij Regirung? Wee däit mit em t’hoop regijre?

• Woweegen is God sij Regirung beeter as dai ganse regirunge upe wild?

• Wat wil Jehovaa dat dai lüür måke schåle dat sai leewe koine uunerm sij Regirung?

TAUM MËR WAITE

Jësus hät inlërt woo God sij Regirung blijwe däit. Dau dat saie.

“Is God sij Regirung in oose härts?” (Stäit in jw.org taum leesen)

Woweegen daue Jehovaas Tüügen maine dat sai taum God sij Regirung reäler sin muite, as tau dai regirunge fone wild?

Sai däire God sij Regirung bijståe (1:43)

Kijk wat dai Bijbel sägt oiwer dai 144.000 lüür wat Jehovaa uutsöcht hät taum t’hoop mit Jësus regijre.

“Wee kümt ine himel?” (Stäit in jw.org taum leesen)

Wat hät ain fruug hulpe wat inspuunt wäir, forståe dat bloos God dai forkërd daile int raich bringe kan?

“Ik wul air gerecht wild häwe” (Wåkt Up!, november 2011)

God sij Regirung is al inset woore in dat jår 1914. Fon dun an, häwe anfånge dai lätste dåg dat dai lüür oiwer sich alaine regijre däire. Wosoo waite wij dit? Wiman’s saie wat dai Bijbel foiruutsägt hät oiwer dit un wat passijre däit in oos wild fon dat jår 1914 an bet hüütsendåg.

1. Wat hät dai Bijbel foiruutsägt?

Dai Bijbel fortelt oiwer ‘soiwen tijd’. (Daniel 4:16, 17) Daniel sij bauk helpt oos forståe dat God sij Regirung däir anfänge ane regijre bloos nå dës ‘soiwen tijd’. Feel un feel jåre nåheer, Jësus hät sägt dat dës ‘soiwen tijd geewt woore is tau der folker’ un hai hät inlërt dat dës tijd wäir nog ni al. Dës soiwen tijd sin taum ën kåme in 1914.

2. Wat fon daile daue passijre fon dat jår 1914 an?

Dai wat Jësus någåe däire häwe em frågt: “Wonair daue dës daile passijre un wat fon saichen ware sin wen’s duu al regijre däist un fon dat ën fone wild?” (Mateus 24:3) Jësus hät antwoort un hät feel daile sägt wat passijre däire wen hai anfänge däir im himel regijre, soo as köönig. Hai hät sägt dat krijge wäire, dat dat eeten knap wäir un dat ërschütlen geewe däir up feel stele. (Lees Mateus 24:7) Dai Bijbel hät uk foiruutsägt wosoo as dai lüür leewe däire “ine lätste dåg” un dårweegen wöör dat leewend soo ‘swår taum uuthulen’. (2 Timóteo 3:1 bet 5) Fon dat jår 1914 an, dës daile daue nog mër passijre.

3. Fon dai tijd an dat God sij Regirung al inset woore is, dai wild is slimer woore. Woweegen?

Air bits nåheer dat Jësus köönig woore is, hai hät ain krijg måkt gëgen dai Düüwel un dai slechte ängels im himel. Dai Düüwel hät dai krijg forspeelt. Dai Bijbel sägt: ‘Hai (dai Düüwel) is ruuterjågt woore fom himel, un sijn ängels sin uk ruuterjågt woore t’hoop mit em.’ (Apocalipse 12:9, 10 un 12) Dai Düüwel is sër wüütend weegen hai wät dat hai uutrot ware däit un dårweegen däit hai sofeel daile måke wat traurigkët un slimhët bringe. Dårweegen is ales soo swår, åwer God sij Regirung däit dës slimhët almåke.

DAU MËR LËRE

4. Daue dai profesijrs fone Bijbel oiwer dat jår 1914 fortele?

VIDEO: In 1914 God sij Regirung hät anfånge ane regijre (5:02)

God hät måkt dat dai köönig Nabucodonosor, ine früüsche tijd, aine droom häwe däir. In dës droom Jehovaa hät weese wat nog passijre däir in dai tijd wat nog kåme däir. Daniel hät sägt wat dës droom bedüüre däir. Dës droom har besägen mit dai köönig Nabucodonosor sij regirung un mit God sij Regirung. (Lees Daniel 4:17a un kijk dai nåt)

Lees Daniel 4:20 bet 26 un nåheer benuts dai tåfel up dai sijr 133 taum dai frågen hijr uuner antwoore:

• (A) Wat hät Nabucodonosor saie in dai droom? (Kijk dai sprüüch 20 un 21)

• (B) Wat däir mit dai boom passijre? (Kijk dai spruch 23)

• (C) Wat däir passijre in dai ën fone lätste “soiwen tijd”? (Kijk dai spruch 26)

Wat hät dai boom fon dai droom besägen mit God sij Regirung?

DAI PROFESIJR (Daniel 4:20 bet 36)

Regirung

(A) Air groot boom

Däir anhule ane regijre

(B) ‘Daut der boom afhooge soiwen tijd lang’

Däir werer regijre

(C) ‘Sij regirung wart werer afgeewt’

In dai airst mål wat dës profesijr passijrt is . . .

• (D) Wee däir dai boom bedüüre? (Lees dai spruch 22)

• (E) Wonair hät hai anhule ane regijre? (Lees Daniel 4:29 bet 33)

• (F) Wat is mit Nabucodonosor passijrt nå dai “soiwen tijd”? (Lees Daniel 4:34 bet 36)

IN DAI AIRST MÅL WAT DËS PROFESIJR PASSIJRT IS

Regirung

(D) Nabucodonosor, dai köönig fon Babilônia.

Däir anhule ane regijre

(E) Nå dem jår 606 airer as Kristus, Nabucodonosor is forrükt woore un hät ni mër regijre kreege.

Däir weere regijre

(F) Nabucodonosor is gesund woore un hät werer anfånge ane regijre.

In dai twait mål wat dës profesijr passijrt is . . .

• (G) Wee däir dai boom bedüüre? (Lees 1 Crônicas 29:23)

• (H) Wonair häwe sai anhule ane regijre? Wosoo waite wij dat sai ni mër regijre däire in Jësus sijn tijd? (Lees Lucas 21:24)

• (I) Woo un wonair hät dës regirung werer anfånge ane regijre?

IN DAI TWAIT MÅL WAT DËS PROFESIJR PASSIJRT IS

Regirung

(G) Dai köönige fon Israel wat in God sijn stel regijre däire.

Däir anhule ane regijre

(H) Jerusalém is uutrot woore, un doir 2.520 jåre lang kair israelit köönig hät regijrt.

Däir weere regijre

(I) Jësus däit anfänge ane regijre in himel soo as köönig fon God sij Regirung.

5. Dai wild is aners woore fon 1914 an

Kijk dai VIDEO.

VIDEO: Nå 1914 dai wild is aners woore (1:10)

Jësus hät foiruutsägt wosoo as dai wild ware däir wen hai anfänge däir ane regijre. Lees Lucas 21:9 bet 11 un nåheer fortel oiwer dai fråg hijr uuner:

• Wat fon dës daile däist duu hüütsendåg saie?

Dai apostel Paulo hät sreewe wosoo as dai lüür ware däire in dai lätste dåg. Lees 2 Timóteo 3:1 bet 5 un nåheer fortel oiwer dai fråg hijr uuner:

• Daue dai lüür soo wat måke hüütsendåg?

6. Wij wile God sij Regirung bijståe

Lees Mateus 24:3 un 14 un nåheer fortel oiwer dai frågen hijr uuner:

• Wat fon arbëd wijst dat God sij Regirung hät anfånge ane regijre?

• Wosoo kast duu dës arbëd uk måke?

God sij Regirung däit al regijre im himel. Bald däit dai ganse Ër uk regijre. Lees Hebreus 10:24 un 25 un nåheer fortel oiwer dai fråg hijr uuner:

• Wij waite God sij Regirung is upe doir. Den, wat mut jërer ainsig fon oos måke?

WAT HÄWE WIJ HIJR LËRT?

Dai daile wat passijre, daue oos wijse dat wij ine dai lätste dåg leewe. Wen wij God sij Woord preege un upe forsamlung gåe, wij wijse dat wij an dat glööwe.

Denk dij ais nå

• Daniel hät sreewe oiwer ‘soiwen tijd’. Wat is passijrt as dës tijd al woore?

• Woweegen büst duu dij sicher dat God sij Regirung hät anfånge ane regijre in 1914?

• Wosoo kast duu wijse dat’s duu wirklig anglööwe däist dat God sij Regirung däit al regijre?

TAUM MËR WAITE

Sai wat dai klauke lüür säge oiwer dai daile wat passijre daue fon 1914 an.

“Dai tijd woo dai wild aners woore is” (Wåkt Up!, april 2007)

Air kërl hät Mateus 24:14 studijrt un sij leewend is aners woore. Sai wat passijrt is.

“Beisebol däir mij sër gefale” (Wat Bekandmökt, numer 3 2017)

Woweegen waite wij dat Daniel kapitel 4 hät besägen mit God sij Regirung?

“Wonair hät God sij Regirung anfånge ane regijre? - Stük 1” (Wat Bekandmökt, 1 oktober 2014)

Wosoo waite wij dat dai ‘soiwen tijd’ fon Daniel kapitel 4 sin al woore in 1914?

“Wonair hät God sij Regirung anfånge ane regijre? - Stük 2” (Wat Bekandmökt, 1 november 2014)

God sij Regirung is al inset woore im himel. Un bald däit dai daile beeter måke tau oos, hijr upe Ër. Wiman’s wek daile nuu saie wat God sij Regirung beeter måke däit.

1. Wosoo däit God sij Regirung freere un gerechtigkët bringe tau dai lüür hijr upe Ër?

Jësus, wat God sij Regirung regijre däit, däit dai slechte regirunge fone lüür uutrote im Armagedom. (Apocalipse 16:14 un 16) Wen hai dat måke däit, däit dat passijre wat dai Bijbel sägt: “Bloos nog air klair bits, un dai slechte ware ni mër sin.” (Salmo 37:10) Doir God sij Regirung Jësus däit freere un gerechtigkët bringe tau dai lüür up dai ganse Ër. (Lees Isaías 11:4)

2. Wen God sij Regirung måkt ware däit up dai ganse Ër, wosoo daue wij leewe?

Denk dij woo gaud ware sin, in ain wild leewe ful reäl un gaure lüür wat Jehovaa un dai andrer lijbe daue! Soo, daue wij leewe wen God sij Regirung dai Ër regijre däit. Dai Ër wart “der gerechte hööre un sai daue ümer up dai leewe”. (Salmo 37:29) Ale ware gesund sin un daue up ümer leewe.

3. Dai slechte lüür ware uutrote, wat däit God sij Regirung nå dat måke?

Dai slechte lüür ware uutrote un nådem däit Jësus 1.000 jåre lang regijre. Doir dës tijd oiwer, hai un dai 144.000 wat t’hoop mit em regijre daue, sai daue dai lüür upe Ër mithelpe dat sai åne fëgels sin koine. Dai ganse Ër wart ain paradijs sin, wen dai 1.000 jåre al ware. Dai ganse lüür ware den fröölig sin, weegen sai daue God sij leis horge. Den, däit Jësus God sij Regirung tau Jehovaa, sijn Fåter, trööggeewe. God sijne nåme, wart “hailig måkt”, soo’s nij ais. (Mateus 6:9, 10) Wen dat passijre däit, ale daue genau waite dat Jehovaa sich bekümre däit mit dai lüür wen hai regijre däit. Jehovaa däit dai Düüwel un dai slechte ängels uutrote un uk ale dai wat dai Düüwel bijståe daue. (Apocalipse 20:7 bet 10) Weegen God sij Regirung, dat leewend wart sër gaud un wij daue up ümer leewe.

DAU MËR LËRE

4. God sij Regirung däit dai regirunge fone lüür uutrote

Dai Bijbel sägt “mësch däit oiwer’t mësche regijre taum eer aigen schåre”. (Eclesiastes 8:9) Doir God sij Regirung, Jehovaa däit dat int raich bringe.

Lees Daniel 2:44 un 2 Tessalonicenses 1:6 bet 8 un nåheer fortel oiwer dai frågen hijr uuner:

• Wat daue Jehovaa un Jësus måke mit dai regirunge fone lüür un mit dai wat dës regirunge bijståe daue?

• Soo as duu lërt häst oiwer Jehovaa un Jësus, woweegen kast duu dij sicher sin dat sai mit gerechtigkët richte?

5. Dai Köönig Jësus hät kaine fëgels

Soo’s Köönig fon God sij Regirung, Jësus däit feel gaure daile måke taum dai lüür upe Ër mithelpe. Kijk dai VIDEO. Dai video däit oos wijse dat Jësus wil dai lüür mithelpe un dat Jehovaa hät em kraft geewt dårtau.

VIDEO: Jësus hät weese wat God sij Regirung måke däit (1:13)

Dai daile wat Jësus måkt hät, as hai hijr upe Ër wääst is, daue oos wijse wat hai måke däit wen hai God sij Regirung regijre däit. Wat fon daile hijr uuner, wilst duu dülst saie? Dau andrer sprüüch leese oiwer dai daile wat Jësus måke däit.

6. Dai tijd foiruut wart sër gaud uunerm God sij Regirung

VIDEO: Wek daile wat God sij Regirung bald måke däit (4:38)

Lees Salmo 145:16 un fortel oiwer dai fråg hijr uuner:

• Jehovaa däit ‘ales geewe wat dai lüür bruuke daue’. Wat fornimst duu dårweegen?

WAT HÄWE WIJ HIJR LËRT?

God sij Regirung däit Jehovaa sijne wile måke. Dai Ër wart ain paradijs ful gaure lüür wat Jehovaa låwe daue un sai daue up ümer leewe.

Denk dij ais nå

• Wosoo däit God sij Regirung, Jehovaa sijne nåme hailig måke?

• Woweegen koine wij oos sicher sin dat ales wat dai Bijbel forsprääkt passijre doir God sij Regirung?

• God sij Regirung däit feel gaure daile bringe tau oos. Wat fon dai wilst duu gërn saie?

TAUM MËR WAITE

Wait wat dat woord Armagedom bedüüre däit.

“Wat is dai krijg fon Armagedom?” (Stäit in jw.org taum leesen)

Jësus hät fortelt oiwer ain “groot nood”. (Mateus 24:21) Lees wat passijre däit wen dai grood nood anfänge däit.

“Wat is dai groot nood?” (Stäit in jw.org taum leesen)

Sai wosoo koine dai familge sich foirstele im paradijs.

Dau dij foirstele im Paradijs (1:50)

In “Ik har taufeel frågen im kop” lees wosoo air kërl wat dai politik ni em gefale däir, hät dai antwooren fuune wat hai fijne wul.

“Dai Bijbel mökt dat leewend aners” (Wat Bekandmökt, 1 januar 2012)