Nge Kore Pengen’ o Re La Ci Roi Kodihne Ri Paradais?

Iehova hna nunuon’ o re nodei ace me shede du Adamu ne Eva. Genese 1:28

Iehova hna ilewan’ o re hmenew me hnadan Eva, ne hna kanu Adamu bane hmenue ni nubon.​—Genese 2:21, 22.

Iehova hna puze o re hnengom ne o re ci carajewe ni bushengon roi so deko ie nian.

Toto Edena kore guhne ni bushengon me thawalan ne karuia, ka numu la cele ne ta nodei sereie numu wawen, ne numu nodei ia.

Iehova hna nengoc ne hna ininata bushengon. Ka ngei bushengon ma ninen’ o Nubonengo, ile bushengon me waruma thathu aseko ri Paradais ri ten’ o re aw.

Madaru hna awan deko lo co kakan’ o re wawen’ o se sereie. Genese 2:16, 17

Sa kore angela hna seretha ne Madaru. O re angela omelei me nia, ono Satana Diabolo.

Iehova hna tize du Adamu ne Eva o re serei me numu wawen ri hnoren’ o re toto, ka hna ie du bushengon ko ngei ma kakan’ omelei, ile bushengon co tango.

Satana deko ma alan ko Adamu ne Eva co ninen’ o Iehova. Ile nubon me amenuni Eva lene sen’ o re un, ci ie ko kacene bone ma kakan’ o re wawen’ o re sereie, bone deko co tango, ka bone ha co inomete i Madaru. Roidi, cihmug me hmajiadr.​—Genese 3:1-5.