Ilo, o Re Nodei Ci Jo Ha Co Numu Bun?

CI IE KO NGE KEI TUSI HMIJOC

‘Ka Madaru . . . co thati tiribot’ o re nodei wathera; ka deko co tango yawe, se deko co jo yawe.’—Ahngabot 21:3, 4, Tusi Hmijoc Pene Nengone.

NGE KO RE KAKAILEN’ OMELEI DU BUHNIJENGO

Seseko deko ma Madaru ko re yen’ o re nodei nia ci pina du ej.—Iakobo 1:13.

Opodone ma carajewe ko Madaru ci ra eje ngei eje ma ci sheusheu.—Zakaria 2:8.

Ci uroi ko o re nodei ci jo ha co as. —Ta Salamo 37:9-11.

EJE THUNI CO UNE JEU’ O RE CI BEREDONE KEI TUSI HMIJOC?

Kori, ka rewe ko re tan:

• Madaru ci kecon’ o re ci jo ne lata me nia. Da uanelo o re hna sheusheu hnei Iehova Madaru ma hna nia ngomon’ o re node ni Nubonengo, inom’ o re hna ie ri Tusi Hmijoc. Tusi Hmijoc ci ie ko Nubonengo hna jo ti o re “ta ci hxo ni buice tan’ o buic’ o re thu kone waamio buice ne thu ajoni buic.” —Thu Hnengon 2:18, Tusi Hmijoc Pene Nengone.

  Madaru ci kaicaraat’ o buic’ o re ci niangomon’ osoten. Inome ko, Tusi Hmijoc ci ie ko “nodei aranine me thu athani o re dra me deko yenian” melei kogo du Nubonengo. —Ta Onatre 6:16, 17.

• Madaru ci wahnacoro eje etha xara sa. Deko ma nodei ngome so ko re ci etha “cara jeu’ o re nia ne nure ni buice ko,” Iehova joko ci carajewe!—2 Ta Rane No Re Nodei Doku 6:29, 30.

  Lene sen’ o re Baselaia ni Nubonengo, Iehova ha co abuneni o re ci jo no re etha xara sa. (Mataio 6:9, 10) Ri ezien’ omelei jo ko, Nubonengo co athaberidini buic’ o re ci there Nubonengo.—Ta Ruace 17:27; 2 Korinito 1:3, 4.