EPULO ETI-2
Oshike tashi ku kwathele wi ilonge kombinga yaKalunga?
“Kotoka aluhe, embo ndika lyompango li kale aluhe tali leshwa melongelokalunga lyeni. Yi ilonga omutenya nuusiku, u vulike kwaayihe ya nyolelwa mo. Nena oto kala omusindani nomunelago.”
Josua 1:8
“Oya tolokele aantu ompango yaKalunga e taye yi fatulula, opo ye yi uve ko.”
Nehemia 8:8
“Aanelago oomboka ihaaya landula oondunge dhaagoyoki, . . . Ndele ohaa nyanyukilwa okuvulika kompango yOMUWA nohaye yi ilongo omutenya nuusiku. . . . Ashihe shoka taye shi longo otashi e ta eyambeko.”
Episalomi 1:1-3
“Nena Filippus okwa matukile ketemba noku uvu, elenga tali lesha membo lyomuhunganeki Jesaja. Onkee okwe li pula a ti: ‘Ou uvite ko tuu omadhiladhilo gaashoka to lesha?’ Elenga olye mu yamukula lya ti: ‘Otandi vulu ngiini okuuva ko, ngele kape na ngoka ta fatululile ndje?” Nena elenga olyi ithana Filippus, a londe metemba ye a kuutumbe pamwe naye.’”
“Okuza Kalunga sho a shiti uuyuni, nando oye iha monika, okwa holola puuyelele oonkondo dhe dhaaluhe nuukalunga we. Aantu otaa vulu okukoneka Kalunga miinima mbyoka e yi shiti. Onkee itaa vulu okwiipopila.”
“Iinima mbika yi ninga ano, ngoye wi itule mo muyo, opo okuhuma kwoye komeho ku monike kwaayehe.”
“Tu silathaneni oshimpwiyu, tu kwathathaneni mokuholathana nomokulongelathana uuwanawa.”
Aahebeli 10:24, 25
“Ihe ngele oku na gumwe gwomune a pumbwa oondunge, ne dhi indile kuKalunga, oye note dhi mu pe. Oshoka Kalunga ke shi omundalapata, ihe oha pe ayehe nopwaa na omanyenyeto.”
Jakob 1:5