Omalombwelo kaavali

Mbela omagano geni omawanawa lela to vulu okupa aamwoye? Aanona oya pumbwa iinima oyindji okuza kaavali. Muyo omwa kwatelwa okukala ye ya hole, oku ya putudha nosho wo oku ya gamena. Ihe omagano ge na ondilo unene ngoka to vulu okupa aamwoye ogo ontseyo yokutseya Jehova nosho wo oshili ndjoka tayi adhika mOohapu dhe, Ombiimbeli. (Johannes 17:3) Ontseyo ndjoka otayi vulu okukwathela aamwoye ya kokeke ohole yokuhola Jehova noku mu longela wo nomutima aguhe, manga aashonashona nokuli. — Mateus 21:16.

Aavali oyendji oye shi mona kutya uuna aanona aashona taya longwa sha shi li paufupi nosho wo ngele taya longo iilonga mbyoka hayi pu nziya, ohaya kala ya nyanyukwa. Onkee ano, otwa nyanyukwa oku mu pa okambo haka ke na oshipalanyolo: Iilongwa yandje yOmbiimbeli. Oshilongwa kehe osha nuninwa okulonga aanona oshinima shontumba momukalo omupu. Omathano nosho wo oohapu ndhoka dhi li mo odha nuninwa unene tuu aanona yomimvo ndatu okuuka pevi. Omu na wo omaetopo giinima mbyoka mu na okuninga noyana yeni. Okambo haka kake shi oshidhanitho shaanona, ihe oka nyanyangidhwa nelalakano lyokulonga aanona. Aavali, kaleni hamu ka lesha pamwe noyana yeni. Shika otashi ke mu kwathela mu kale hamu popi nayo aluhe.

Otu na uushili kutya okambo haka otaka ka kwathela aavali sho taya longo oyana oshili yOmbiimbeli “okuza kuunona” wawo. — 2 Timoteus 3:14, 15.

Aamwaho

Olutuwiliki lwOonzapo dhaJehova

[Ethano pepandja 3]