Mbela owa panda shoka wi ilonga?
Mbela ino hala okukala wu na ontseyo oyindji yOmbiimbeli?
Shoka wi ilonga mokambo haka, oshitopolwa owala oshishona sha za membo: Kala nonkalamwenyo ombwanawa sigo aluhe — Oonkundathana dhopaMbiimbeli.
Embo ndyoka oto ke li pewa oshali noonkundathana dhopaMbiimbeli ihadhi futilwa sha. Otatu ka kala twa halelela okukonakona nangoye Ombiimbeli pethimbo nopehala ndyoka tali ku opalele.
Sho tatu kundathana Ombiimbeli pamwe, oto ki ilonga mo iinima oyindji, ngaashi:
Elalakano lyonkalamwenyo
Shoka tashi ku kwathele wu kale wu na ombili yashili
Shoka tashi kwathele aanegumbo ya kale yu uvitathane
Shoka Ombiimbeli ye tu uvanekela monakuyiwa
Opo wu mone embo nowu tsikile noonkundathana dhopaMbiimbeli, kwatathana nOonzapo dhaJehova nenge wu pule ekonakonombiimbeli kepandja lyetu lyokointaneta, jw.org.