Jesus okwa “kutha po oondjo dhuuyuni”

Johannes omuninginithi okwa ti kutya Jesus okwa “kutha po oondjo dhuuyuni.” (Johannes 1:29) Shika otashi tsu omuthindo onkandangala ndjoka Jesus ta dhana mokuhupitha aantu aavuliki.

Omolwashike Jesus a li e na okusa opo a hupithe aalunde?

Okwa li a pondola shike sho a gandja omwenyo gwe nehalo ewanawa?

Oolye taya mono uuwanawa meso lye?

Eso lye otali ti shike kungoye?

Omumvo kehe Oonzapo dhaJehova ohadhi gongala dhi dhimbulukwe eso lyaJesus. Nuumvo otali ka dhimbulukiwa mOsoondaha, mo 17 Apilili, konima ngele etango lya ningine.

Oonzapo dhaJehova otadhi ku hiya nomutima aguhe opo wu ye wu gongale pamwe nadho sho tadhi dhimbulukwa eso lyaJesus, oshiningwanima shoka sha simana. Omapulo ngoka ge li pombanda otaga ka yamukulwa okuza mOmbiimbeli.

Oto vulu oku ka gongala pamwe nadho kOshinyanga shUukwaniilwa shopune. Ninga ekwatathano nOonzapo dhaJehova dhopune opo dhi ku lombwele kutya oshiningwanima shoka otashi ka ningwa pongapi notashi ka ningilwa peni.