Oshikalimo

Kaalongeli yaJehova, okwiimba okwa kala ku li oshitopolwa sha simana shokulongela Kalunga. Nonando ongawo, yamwe otashi vulika ya kale inaaya manguluka okwiimba montaneho. Ongiini tatu vulu okwiimbila Jehova omahambelelo, kaatu na uumbanda washa? Oshitopolwa shika oshi na omatompelo omawanawa kombinga yokwiimba nenyanyu, noshi na wo omaetopo gamwe ngoka taga vulu oku tu kwathela tu hwepopaleke okwiimba kwetu.

Otatu vulu okwiilonga iinima ya simana melongekidho lyiilando yokwiigamena yomuIsraeli shonale. Moshitopolwa shotango, tala komikalo moka omuyoni ta vulu okumona egameno puJehova kunena. Moshitopolwa oshitiyali, tala nkene oshiholelwa shaJehova tashi tu kwathele tu dhimine po yalwe, tu simaneke omwenyo notu katuke momukalo gu uka.

Iitopolwa mbika iyali, oya kankamena komayele gaPaulus ga nwethwa mo, ngoka a li a nyolele Aakriste yomuKolossa. Oshitopolwa shotango, otashi yelitha shoka tu na okuninga po, uuna tu uvu omadhiladhilo gopauyuni ngoka tashi vulika tu wete ga fa omahokithi nenge goshili. Oshitopolwa oshitiyali, otashi tu dhimbulukitha nkene tatu vulu okuyanda iikala mbyoka tayi vulu oku tu imba tu ka mone omayambeko ngoka Jehova e tu uvanekela.