Omashiivifo
◼ Oileshomwa oyo i na okuyandjwa. Januali: Kaleni oupafi! Februali: Kalunga Ota Pula Shike kuFye? Marsa: Ombibeli otai hongo lela shike? Aprili: Oshungonangelo no-Awake!
◼ Molwaashi Marsa oku na omaxuliloshivike atano (Omalomakaya atano nOyoondaxa itano), otau ka kala omwedi muwa lela nokukufa oukwafelikokolindjila.
◼ Okudja muFebruali, ovapashukilishikandjo otava ka yandja oshipopiwa shipe shomoipafi shi na oshipalanyole: “Openi hatu dulu okumona ekwafo ngeenge twa hangwa koudjuu?”
◼ Omaongalo oku na okuhovela okuninga omalongekido e na sha nEdimbuluko, olo tali ka kala ko mo 22 Marsa 2008, mOlomakaya, konima eshi etango la ningina. Nonande oshipopiwa shEdimbuluko otashi dulu okuhovela kuyele, omadidiliko kae na okulitambekidwa ofimbo etango inali ningina. Shilipalekeni keedjo domauyelele kutya etango moshitukulwa sheni otali ka ningina efimbo peni. Eongalo keshe nali ninge omalongekido alo e na sha nEdimbuluko. Apa itashi shiiva, taku talika ngoo nee kutya omalongekido elipi taa shiiva. Ngeenge ope na omaongalo mahapu oo haa longifa Olupale lOuhamba limwe, amwe otaa dulu okukonga eenhele dimwe di lili, oko taa dulu oku ka ningila Edimbuluko. Omaongalo oo taa ka longifa Olupale lOuhamba limwe nae lipitifile po ominute 40 lwaapo, ngeenge odinini, opo ovamwatate naavo va shivwa va mone omhito yokuhafela eendafano konima yEdimbuluko. Pashukileni oyeendifo nonhele yokupaakinga. Olutu lovakulunhuongalo oli na okutala kutya omalongekido elipi taa wapalele.
◼ Oohamushanga vomaongalo ove na okushilipaleka ngeenge ove na onhumwafo yenangekepo (S-202) yomukokolindjila wondjikilile keshe. Ngeenge ope na dimwe dihe po, nava shiivifile oshitaimbelewa pakushanga.
◼ Ovayakuli vamwe ve na sha noileshomwa ova pula kutya onaini ve na okutuma eefoloma odo hadi ifanwa Literature Request Form (S-14), opo oileshomwa yavo i kale tai uya pefimbo. Otamu ladipikwa mu kale hamu tale melandulafano leni (laNamibia) li na sha nokutumwa kwoileshomwa (DEPOT DELIVERY DATES FOR YOUR CONGREGATION). Omu na okushilipaleka kutya eefoloma deni oda tumwa kuyele koshitaimbelewa shaSouth Africa ofimbo Omaandaxa omafiku oo a laulikwa melandulafano olo inaa fika. Kungaho opo ashike oileshomwa oyo mwa mbestela tai ke uya momwedi omo mwe i mbestela. Momafiku oo a mbapekwa omo oileshomwa yeni hai tumwa okudja koSouth Africa. Ngeenge omwa tumu eefoloma deni pefimbo, oileshomwa oyo mwa mbestela otai ka tumwa konima yoivike ivali okudja eshi eefoloma deni da fika, ngeenge oileshomwa oyo omo i li meemhungulilo. Onghee hano, osha fimana okutuma eefoloma deni omwedi keshe, nonande omwa pumbwa ashike oileshomwa inini. Omaongalo omoNamibia otaa dulu okutuma eefoloma odo (Literature Request Form) okupitila mopoosa, pafaksa ile mo e-mail.
◼ Omupashukili omuunganeki oku na okushilipaleka kutya eongalo ola mona oufo voukalele va wana, nope na okukala oixupe. Ngeenge ovahapu sha pitilila, otava dulu okuninipikwa mokuyadeka nokutuma okafoloma Magazine Request Form (M-202). Ngeenge inava wana, otamu dulu okuninga eindilo va wedelwe okupitila mokafoloma oko tuu oko. Omuudifi keshe oku na okukala ha mono okafo koukalele, nosho yo ovo hava kala pOkwoongala kwOpailonga pandjikilile notava ningi exumokomesho lopamhepo. Napa kale yo okafo kamwe oko haka tuvikilwa mokanduda komambo komOlupale lOuhamba. Ovo va kondwa kave na nande okupewa okafo koukalele. — Tala Oshimhungu shomapulo mokafo koukalele kOshiingilisha kaFebruali 1987.
◼ Otwa pandula eshi mwa longela kumwe nomakonakono oo kwa li a ningwa e na sha nomhumbwe yokunyanyangida Oshungonangelo meendada da kula mOshiafrikaans, mOshisutu nomOshixhosa. Otwa pewa epitikilo lokunyanyangida Oshungonangelo yeendada da kula mOshisutu nomOshixhosa. Inatu pewa epitikilo shi na sha nOshiafrikaans, molwaashi omuvalu wovanhu ovo ve na omhumbwe ya tya ngaho inau wana. Potete, Eeshungonangelo odo otadi ka nyanyangidwa she likolelela komuvalu waavo va ninga omaindilo. Omaongalo makwao otaa dulu yo okumbestela Eeshungonangelo odo. Ngeenge eongalo leni ola li la kwatelwa momakonakono oo a ningwa, otamu ka tuminwa Eeshungonangelo odo mOshisutu nomOshixhosa she likolelela komuvalu waavo va ninga omaindilo.
◼ Omolwomalunduluko oo a ningwa po e na sha nokunyanyangida paife Oshungonangelo ipe yoitukulwa yokukonakona, opa nyanyangidwa okabroshure mOshivenda nomOshiwambo, oko taka ka kala ke na oitukulwa yokukonakonwa yomwedi waDesemba 2007. Omaongalo aeshe oo e na ovapopi vOshivenda nOshiwambo otaa ka tuminwa oubroshure ovo va wana.