Shoka tatu vulu okutya ngele tatu gandja iifo

Oshungonangelo 1 Feb. 

Mondjokonona omwa kala aatumwa yi ili noyi ili. Mbela oto dhiladhila kutya olye a li omutumwa omunenenene e vule ayehe? [Tegelela a yamukule.] Tala shoka Ombiimbeli tayi ti. [Lesha Johannes 7:29.] Moshifo shika omu na oshitopolwa shoka tashi yelitha nawa kutya Jesus oye a li omutumwa omunenenene mondjokonona ayihe naashoka shika tashi ti kutse.” Mu ulukila oshitopolwa shoka tashi tameke pepandja 16.

Awake! Feb.

“Aantu yamwe oyi itaala kutya Kalunga oha ndhindhilike omapuko agehe ngoka twa ninga. Yamwe oye uvite kutya oha dhimi po oondjo dhetu adhihe, nando onadhi kale dha kwata miiti shi thike peni. Ngoye oto dhiladhila ngiini? [Tegelela a yamukule. Nopo nduno lesha Iilonga 3:19.] Oshitopolwa shika otashi yelitha omikalo ndatu okuza mOmbiimbeli dhi na ko nasha nokusilwa ohenda kuKalunga.” Mu ulukila oshitopolwa shoka tashi tameke pepandja 10.

Oshungonangelo 1 Mar.

“Molwaashoka opu na omaupyakadhi ogendji kunena, mbela oshi li ngaa tashi wapa tu kale tu na ombili yashili yopamadhiladhilo? [Tegelela a yamukule.] Natu tale etegameno ndyoka tali adhika mOmbiimbeli li na ko nasha nonakuyiwa ndyoka lya kwathela aantu oyendji. [Lesha enyolo limwe ndyoka lya tothwa mo nenge inaali tothwa mo li li moshitopolwa shoka to mu ulukile.] Oshifo shika otashi tu ulukile okuza mOmbiimbeli kutya otwa za peni, elalakano lyonkalamwenyo olyashike naashoka tashi ka ningwa monakuyiwa.”

Awake! Mar.

“Mbela omalongelokalunga agehe oge li mondjila? [Tegelela a yamukule.] Tala shoka Ombiimbeli tayi ti kombinga yagamwe gomugo. [Lesha Markus 7:7.] Otatu shi tseya ngiini kutya elongelokalunga otali longo oshili, ihe ‘hamalongo gopaipango yaantu’? Mbela opu na ngaa elongelokalunga li na oshili? Oshifo shika otashi yamukula omapulo ngoka.”