Elandulafano lOkwoongala kwoPailonga

Oshivike osho tashi hovele no 14 Juli

Eimbilo 126

Ominute 10: Omashiivifo eongalo. Unganeka pa ningwe euliko li na sha nanghee Oshungonangelo ye 1 Juli nosho yo o-Awake! yaJuli tai dulu okuyandjwa. Longifa omaetepo oo e li pepandja eti-4 ile omatwalemo amwe e lili oo taa wapalele moshitukulwa sheni.

Ominute 15: Omalongekido e na sha noitukulwa oyo ihai longwa. Oshitukulwa eshi oshi na okuyandjwa komupashukili woilonga. Kundafana onhumwafo i na sha noitukulwa ihai longwa yomafiku 31 Mei 2008 oyo ya tuminwa komaongalo. Shiivifa oitukulwa oko taku ka longwa, omafiku, oishangomwa oyo tai ka yandjwa, omalongekido e na sha noyeendifo nosho yo eenhele oko taku ka nangalwa pefimbo loikonga. Mbela ope na ovo va kufa oukwafelikokolindjila? Omaongalo oo itaa ka longa koitukulwa oyo ihai longwa naa kundafane omalongekido e na sha nokulonga oitukulwa yavo yeongalo oyo ihai longwa unene.

Ominute 20: Kala nokukotokela omikalondjikilile ndhoka inaadhi hokiwa kuKalunga. Oshipopiwa eshi osha kanghamena kOshungonangelo yOshiwambo ye 1 Januali 2005, epandja 29-32. Oshi na okuyandjwa komukulunhuongalo a pyokoka. Osha kwatela mo yo eenghundafana novapwilikini. Ovaudifi otamu ladipikwa mu etelele Eeshungonangelo deni kokwoongala mefiku olo.

Eimbilo 147

Oshivike osho tashi hovele no 21 Juli

Eimbilo 95

Ominute 10: Omashiivifo eongalo. Omashiivifo oo a hoololwa mokafo aka kUukalele wetu wUukwanilwa. Ladipika ovaudifi va etelele Oshungonangelo ye 1 Auguste nosho yo o-Awake! yaAuguste pOkwoongala kwoPailonga taku landula. Nave uye ve lilongekida okuninga omaetepo oo taa wapalele e na sha nanghee hatu dulu okuyandja oifo oyo moshitukulwa shetu.

Ominute 15: Mbela ou na “emanguluko lokupopya”? Oshipopiwa sha kanghamena kOshungonangelo yOshiingilisha yo 15 Mei 2006, epandja 13-16. Divilika kutya osha fimana okuudifa nouladi.

Ominute 20: “Okwiilongekidha okwa pumbiwa opo tu ninge omaishunoko taga pondola.”* Kwatela mo euliko loule wominute nhee lomuudifi te lipopile ofimbo te lilongekidile oku ka ninga omalishuneko. Na tale omadidilikoshango aye, ye ta tokola nee kutya ovanhu vavali velipi te ke lishuna kuvo mexuliloshivike eli tali uya. Na diladile kwaasho a li a kundafana nale navo nongahelipi ta ka twikila neenghundafana opo a hange elalakano laye. Okwa diladila oku ka hovela ekonakonombibeli naumwe, ofimbo kumukwao okwa diladila oku ka kulika ohokwe yaye, ta longifa eetepo olo li li mokatendo okati-5.

Eimbilo 189

Oshivike osho tashi hovele no 28 Juli

Eimbilo 6

Ominute 10: Omashiivifo eongalo. Dimbulukifa ovaudifi va yandje eelaporta davo doilonga yomomapya daJuli. Lesha omushangwahokololo welongifo loimaliwa nosho yo omukanda wediminino li na sha nomayambidido oo wa dja koshitaimbelewa. Tumbula oileshomwa oyo tai ka yandjwa momwedi waAuguste. Unganeka yo pa ningwe euliko li na sha nanghee shimwe shomoileshomwa oyo tashi dulu okuyandjwa.

Ominute 15: Nghee hatu dulu okukala oupafi. Oshipalanyole osho osha kanghamena kOshungonangelo yOshiwambo ye 1 Januali 2007, epandja 12 okatendo 17-21.

Ominute 20: Lilongekida oku ka yandja oifo oyo opo ya piti. Eenghundafana novapwilikini. Konima yokungonga pauxupi kombinga yoshikalimo shOshungonangelo ye 1 Auguste nosho yo o-Awake! yaAuguste, pula ovapwilikini kutya oitukulwa ilipi oyo ve wete tai ka kala ihokwifa unene kovanhu moukalele nomolwashike tava diladila ngaho. Va pula va popye oitwa yokondadalunde oyo tava diladila oku ka longifa moukalele. Omapulo elipi va diladila oku ka pula opo va hovele eenghundafana novanhu? Ova diladila oku ka longifa omishangwa dilipi odo tadi hangwa moitukulwa yoifo oyo? Unganeka pa ningwe euliko li na sha nanghee oshifo keshe tashi dulu okuyandjwa, to longifa limwe lomomaetepo oo e li mokafo ketu kUukalele wetu wUukwanilwa ile limwe lomomaetepo oo a etwa po kovapwilikini.

Eimbilo 106

Oshivike osho tashi hovele no 4 Auguste

Eimbilo 222

Ominute 10: Omashiivifo eongalo.

Ominute 15: Mbela ounona veni ove lilongekida ngoo oku ka finda omashongo oo haa shakenekwa keefikola? Oshipopiwa neenghundafana novapwilikini. Tumbula omashongo amwe oo ovanyasha Ovakriste tava dulu okushakeneka keefikola. Yelifa nghee ovadali nosho yo ovana vavo tava dulu okulongifa o-Watch Tower Publications Index opo va mone ouyelele oo tau dulu oku va kwafela. Yandja yo oihopaenenwa yonhumba. [Tala oshipalanyole “Ofikola” (“Schools”) koshi yokapalanyole “oimoniwa” (“experiences”)]. Pula ovanyasha ovo va tekulwa momaukwaneumbo opaKriste va popye nghee ovadali vavo ve va kwafela opo va dule okufinda omashongo kofikola nokutula moilonga omifikamhango dOmbibeli. Otava dulu yo okuhokolola nghee va li va longifa ouyelele oo tau hangwa mee-Awake! opo va yandje omishangwahokololo donhumba kofikola. Va pula va yelife kutya ongahelipi okuyandja oundombwedi kofikola shi li eameno kuvo.

Ominute 20: “Nghee hatu dulu okuhanauna po eehotengulu odo tadi faneke omahongo oipupulu.”* Pula ovapwilikini va yandje omatyekosha shi na sha nanghee ovo va konakona navo Ombibeli va li ve va kwafela nelididimiko opo va efe po omahongo omalongelokalunga oipupulu oo a li e va nwefa mo neenghono.

Eimbilo 83

* Ngeenge oshipopiwa shoye oshi na edidiliko olo lokanyofi, osha hala okutya etwalemo loye oli na okuningwa meni lomunute umwe, opo nee to hovele eenghundafana domapulo nomanyamukulo.