Omatseyitho

◼Iileshomwa mbyoka tayi gandjwa muMaalitsa: Omalongo gashili gOmbiimbeli ogeni naanaa? Apilili naMei: Oshungonangelo no-Awake! Juni: Omalongo gashili gOmbiimbeli ogeni naanaa?

◼ Iileshomwa iipe yOshungonangelo no-Awake! oyi na okutopolwa nziya ngele ya thiki. Shika otashi pe aauvithi ompito ya tseye nawa shoka shi li mo manga inaaye yi gandja miilonga yomomapya.

◼ Omuunganeki gwolutu lwaakuluntugongalo nenge gumwe ngoka a tulwa po kuye oku na okutala olekenenga yiimaliwa yegongalo yomwedhi Desemba, Januali naFebuluali. Omuntu oye tuu ngoka ke na okulongithwa iikando ya landulathana. Ngele egongalo oli na olekenenga yimwe yi ili, ngaashi yokukaleka Oshinyanga shUukwaniilwa monkalo ombwanawa nenge yokutungitha shimwe oshipe, nayo oyi na okutalika.

◼ Ombiimbeli yOshindonga ihayi nyanyangidhwa kehangano lyaJehova, onkee ano ohayi landwa komahangano galwe. Molwaashoka Ombiimbeli ndjika ohayi kotha iimaliwa yi vulithe N$50.00, otayi vulu owala okupewa aauvithi ya ninginithwa naauvithi inaaya ninginithwa nosho wo aakonakoni mboka taya ningi ehumokomeho ihe kaye yi na. Aantu mboka ya gwana oku yi pewa, ihe kaye na oshimaliwa sha gwana shokuyambidhidha, otaya vulu oku yi pewa. Otaya vulu okugandja omayambidhidho shi thike pwaashoka taya vulu okugandja. — 2 Kor. 9:7.