Eendululo lyOsikola yUukalele woPauteokratika

Omapulo taga landula otaga ka pulwa pOsikola yUukalele woPauteokratika moshiwike shoka tashi tameke mo 27 gaApilili 2009. Omutonateli gwosikola ota ka kwatela komeho eendululo lyuule wominute 20 lya kankamena kiipopiwa yomoshiwike shomasiku ga-2 gaMaalitsa sigo 27 gaApilili 2009.

1. Josef oku ungaunga ngiini nemakelo ndyoka a li a taalela kehe siku? (Gen. 39:7-12) [lv epandja 105-106, okatendo 18-20]

2. Ombiimbeli otayi ti ngiini shi na ko nasha nokudhana omasiku gomavalo? (Gen. 40:20-22) [lv epandja 150-151, okatendo 9-11]

3. Ongiini oshiholelwa shaJosef tashi tu kwathele twaaha yematele mboka ye tu tonde nopwaahe na etompelo lyasha? (Gen. 45:4, 5) [w04-KY/OD 9/1 epandja 11, okatendo 15]

4. Ongiini elombwelo lyaJosef ‘okufaalela iipongo ye’ lya li lya nwetha mo Aaisraeli? (Gen. 50:25) [w07-KY/OD 6/1 epandja 30, okatendo 10]

5. Oshike tashi vulu oku tu tsa omukumo uuna twa pewa oshilonga oshidhigu? (Eks. 4:10, 13) [w04-KY/OD 4/1 epandja 9, okatendo 4]

6. Uuwanawa wuni wa zi momukalo moka Jehova u ungaunga naFarao, nongiini shi na oku tu nwetha mo? (Eks. 9:13-16) [w05 KY/OD 6/1 epandja 9-10, okatendo 8]

7. Eksodus 14:30, 31 oku na eityo lyashike kunena? [w04-KY/OD 4/1 epandja 10, okatendo 5]

8. Ngaashi Eksodus 16:1-3 te shi popi, mboka haya ngungutula olundji ohaya ningi shike, nolye paushili haya ngungutulile? [w06-KY/OD 8/1 epandja 9, okatendo 4-5]

9. Metsokumwe nEhangano lyOmpango ndyoka lya nyolwa muEksodus 19:5, 6, ongiini taku vulu okutiwa kutya Aaisraeli oya li taya “ka ninga onkwaniilwa yaayambi”? [w95-OD/KY 7/1 epandja 12, okatendo 8]

10. Omomukalo guni oshipango oshitimulongo shoka tashi indike okahalu shi vule iipango yopantu? (Eks. 20:17) [w06-KY/OD 7/1 epandja 15-16, okatendo 16]