Omatseyitho

◼ Iileshomwa mbyoka tayi gandjwa moomwedhi tadhi landula: Mei: Oshungonangelo no-Awake! Natu kambadhale okutameka omakonakonombiimbeli membo Omalongo gOmbiimbeli uuna tatu ningi omaishunoko kwaamboka yu ulika ohokwe, mwa kwatelwa mboka ya li pEdhimbuluko nenge pokugongala kwontumba, ihe ihaye endathana negongalo pandjigilile. Juni: Omalongo gashili gOmbiimbeli ogeni naanaa? Juli naAuguste: Uubroshure womapandja 32 tawu landula: Mbela Kalunga oku na ko ngoo nasha nafye shili?, Ngoye oto vulu okukala nomwenyo sigo aluhe kombanda yevi!, Oombepo dhOonakusa — Otadhi Vulu Oku Ku Kwathela Nenge Otadhi Ku Etele Oshiponga? Oko Dhi Li Shili?, Ondjila ndjoka tayi fala komwenyo gwaaluhe mbela owe yi mona? nosho wo Oto vulu okukala kuume kaKalunga.

◼ Uuna to ka talela po kiilongo yimwe, ihe owa hala okukala pokugongala kwegongalo, poshigongi shoshikandjo nenge shoshitopolwa owu na okupula esiku, ethimbo nehala koshitayimbelewa shoka tashi tonatele iilonga moshilongo moka. Omusholondondo gwoondjukithi dhiitayimbelewa ogu li pepandja lyahugunina lyembo Yearbook 2009.

◼ Otapu ka ningwa oshikonga shokuhiya aantu kiigongi yoshikandjo noyopaigwana mbyoka tayi ka ningwa muuyuni auhe mo 2009. Aauvithi otaya ka kala ye na ompito okugandja uumbapila wehiyo moshitopolwa shawo. Oshikonga oshi na okuningwa iiwike itatu komeho yethimbo omanga oshigongi hoka egongalo lyeni lya hiywa inaashi tameka.