Omatseyitho

◼ Iileshomwa tayi gandjwa muKotoba: Oshungolangelo noAwake! Mpoka omuntu tu ulike ohokwe, mu pa okafo Mbela owa hala okutseya oshili? noku ka kundathana. Ngele omunegumbo oku ka na nale, kambadhala mu tameke ekonakonombiimbeli. Novomba: Omalongo gashili gOmbiimbeli ogeni naanaa? Desemba: Omuntu omunenene ngoka a li ko nale. Aanona oto vulu oku ya pa embo Lihonga kOmuhongi Munene. Januali: Omalongo gashili gOmbiimbeli ogeni naanaa?

◼ Elandulathano lyokomumvo lyOsikola yUukalele woPauteokratika itali ka kala we mUukalele Wetu wUukwaniilwa ngaashi shito. Pehala lyaashono, egongalo kehe otali ka tuminwa omalandulathano gaali, limwe oli na okutulwa kekatha mOshinyanga shUukwaniilwa. Ekwawo oli na okupewa omutonateli gwosikola e li longithe sho ta ningi elandulathano lyiipopiwa yaanasikola. Elandulathano lyEkonakonombiimbeli lyEgongalo, lyOsikola yUukalele woPauteokratika nolyOkugongala kwoPailonga otali ka kala mUukalele Wetu wUukwaniilwa mboka tawu kala nokupewa aauvithi ngaashi shito.

◼ Okutameka me 1 Maalitsa 2010, uubroshure tawu landula otawu ka longithwa mEkonakonombiimbeli lyEgongalo: Oonzapo dhaJehova Odho oolye?, Oombepo dhOonakusa, Uuna gumwe ngoka wu hole a sa... nembo Ombili muukwanegumbo. Omagongalo ngoka ga pumbwa omambo ngoka naga tume ombestelinga meendelelo.

◼ Omasiku 17 Apilili 2010 otali ka kala Esiku lyi ikalekelwa lyokugandja iifo. Otatu mu ladhipike amuhe mu tameke okuninga omalongekidho opo mu kuthe ombinga mulyo.