Shoka tatu vulu okutya ngele tatu gandja iifo

Oshungolangelo 1 Juli

“Ombiimbeli otayi popi kutya uuyuni mbuka tu li otawu ka hula po. Otu na okuninga shike tu ka hupe? [Tegelela a yamukule.] Lesha Petrus omutiyali 3:14. Oshifo shika otashi yelitha shoka tu na okuninga.” Mu ulukila oshitopolwa shoka tashi tameke pepandja 19.

Awake! Juli

“Mbela aakiintu oye na okuyapulwa ya ninge aasitagongalo? [Tegelela a yamukule.] Tala shoka Ombiimbeli tayi ti kombinga yomukiintu gumwe. [Lesha Aaroma 16:1.] Ihe ovelise yimwe otayi ti kutya aakiintu naya kale ya mwena melongelokalunga. Mbela Ombiimbeli otayi ti ngiini? Oshitopolwa shika otashi shi yelitha.” Mu ulukila oshitopolwa shoka tashi tameke pepandja 28.

Oshungolangelo 1 Auguste

“Aantu oyendji Kalunga ohaye mu ithana Omunankondoadhihe. Mbela owe shi tseya ngaa kutya Ombiimbeli otayi tu lombwele edhina lye? [Tegelela a yamukule. Lesha Eksodus 3:14, tala enyolo lyopevi.] Oshifo shika otashi yelitha kutya omolwashike edhina lyaKalunga lya kuthwa mo mOombiimbeli dhimwe nonokutya otashi ti shike oku li tseya.”

Awake! Auguste

“Otashi vulika Oonzapo dhaJehova dha popya nale nangoye. Mbela owi ipula ngaa nale kutya omolwashike hatu ende egumbo negumbo, nonando aantu oyendji ihayu ulike ohokwe? [Tegelela a yamukule. Lesha Mateus 24:14.] Otwa mona kutya yamwe oye na edhiladhilo lya puka shi na ko nasha natse. Oshifo shika otashi yelitha kutya Oonzapo dhaJehova odho oolye.”