Omatseyitho

◼ Iileshomwa mbyoka tayi gandjwa muFebuluali: Shoka tashi vulu okweeta ombili muukwanegumbo Maalitsa: Omalongo gashili gOmbiimbeli ogeni naanaa? Apilili: Oto vulu okukala kuume kaKalunga nenge Ondjila ndjoka tayi fala komwenyo gwaaluhe mbela owe yi mona? nenge uubroshure wulwe mboka hawu gandjwa momapya ngele egongalo lyeni oli wu na mostoka. Mei: Oshungolangelo nenge o-Awake!

◼ Mehuliloshiwike lyoshiwike shEdhimbuluko otamu ka gandjwa oshipopiwa shi ikalekelwa shi na oshipalanyolo, “Mbela ehulilo oli li popepi?”

◼ Kwatathana noshitayimbelewa sheni ngele oto ka talela po iilongo kaayi mo momusholondondo gwomadhina giilongo molopota yiilonga yokomumvo nenge ngele ondjukithi yoshilongo shontumba inayi nyolwa po pepandja lyahugunina membo Yearbook, wu mone uuyelele kutya owa pumbwa okuninga po shike nenge pamwe opu na omalombwelo gowina ngoka wu na okulandula. Otashi vulika pamwe iilonga yetu yUukwaniilwa ya shilikwa moshilongo moka. (Mat. 10:16) Miilongo yimwe otashi vulika shaa li pandunge aatalelipo ya kwatathane nOonzapo nenge nomagongalo. Otashi vulika wu ka pewe uuyelele wa gwedhwa po kombinga yankene to vulu okugandja uunzapo wontukuluka nenge kombinga yokuhumbata iileshomwa. Ngele owa tsu kumwe nuuyelele mboka to ka pewa otashi ke ku kwathela waa gwile muudhigu nenge waaha piyaganeke iilonga yUukwaniilwa moshilongo shoka to talele po. — 1 Kor. 14:33, 40.

◼ Otwa nyanyukwa oku mu tseyithila kutya Iinyanga yUukwaniilwa itatu oya yapulilwa Jehova. Inapu pita ethimbo ele ngashingeyi sho egongalo lyaEerstegeluk nolyaMadibong moLimpopo, nosho wo lyaEbony Park moMidrand ga li ga nyanyukilwa ompito ndjika ombwanawa.