Okavidio kedhina Jehovah’s Witnesses — Faith in Action, Part 1: Out of Darkness

MOmbiimbeli oshili oya faathanithwa nuuyelele, omanga iifundja ya faathanithwa nomilema. (Eps. 43:3; Jes. 5:20) Satana okwa li e eta omilema muuyuni sho a kotokele Eva nokuza mpoka uuyuni auhe owa kala wu li momilema thokothoko. (Eh. 12:9) Okavidio Jehovah’s Witnesses — Faith in Action, Part 1: Out of Darkness ota ka hokolola iiningwanima melandulathano yankene omilema dhe ende tadhi zi ko sigo kwe ya uuyelele wopambepo. (Jes. 60:1, 2) Konima ngele wa tala okavidio haka, tala ngele oto vulu okuyamukula omapulo taga landula.

(1) Konima sho aayapostoli ayehe ya si, omilema omidhigu odhe ke enda tadhi gwililile po ngiini uuyuni? (2) Okuza momimvo dhe-1100 iinima yini ya li ya kwathele aantu ya mone kutya oongeleka nani itadhi longo aantu oshili? (3) Oto vulu okutya shike kombinga yaHenry Grew naGeorge Storrs? (4) Iiningwanima yini monkalamwenyo yaCharles Russell ya li ye mu gumu noonkondo? (5) Omumwatate Russell, tate gwe, nosho wo ookuume kawo yamwe oya li haya konakona ngiini Ombiimbeli noya li ye ya pehulithodhiladhilo lyopamanyolo lini kombinga yiinima mbyoka ya konakona? (6) Osha li she ende ngiini opo okangundu kAakonakoni yOmbiimbeli haka ka kale taka longele kumwe nokangundu kaNelson Barbour, ihe oshike sha ka ningitha omumwatate Russell a ze mo mongundu moka? (7) MuJuli 1879 omwa li mwa ningwa shike shoka sha li etameko lyeyadhimo lyuuyelele wopambepo? (8) Konima, Aakonakoni yOmbiimbeli oya ka kala haya ningi shike opo ya taandeleke onkundana ombwanawa? (9) Oomvula odhindji manga omumvo 1914 inaagu thika, Aakonakoni yOmbiimbeli oya li ya tegelela momumvo ngoka mu ningwe shike? (10) Aakonakoni yOmbiimbeli oya li ya taalele eshongo lini konima sho omumwatate Russell a si? (11) Aakonakoni yOmbiimbeli oya li ya ningi shike okuza sho omumwatate Rutherford nosho wo ookuume ke ya zi mo mondholongo? (12) Okavidio hano oke ku kwathela ngiini wu gwedhe ko kolupandu lwoye ndoka wu nine ehangano lyaJehova? (13) Okavidio haka oke ku kwathela ngiini wu kale wa tokola toko okuuvitha nuulaadhi nonando opu na iiyimbi? (14) Okavidio hano otatu vulu oku ka longitha ngiini tu kwathele aashiwikile, aakonakonimbiimbeli yetu nosho wo yalwe?

Kali shi tuu eliko li na ondilo ndyoka twa thigulula kAakonakoni yOmbiimbeli mboka ya li ko petameko! Nonando oya li muuyuni mbuka wa gwililwa po komilema dhopambepo omithokothoko oya li ye na omukumo nuulaadhi wokuhumbata onyeka yuuyelele. Natu holeleni oshiholelwa shawo ‘nokukala ngaashi aantu yomuuyelele.’ — Ef. 5:8.