Iizemo yinyanyudha yiilonga yomomapya

Olopota yaDesemba otayi ulike kutya aauvithi oya li ya longo nuudhiginini muukalele, nokuli nopethimbo ndika lyefudho. South Africa okwa li a adha oshitsa shopombanda oshipe shaakokolindjila yondjigilile 9 303. Shoka sha li shi shambula noonkondo koyendji oshigongi shi ikalekelwa shoka sha li ko-Soccer City mo-18 Desemba. Oyendji onkee ngaa taya popi kombinga yankene ya li yu uvite sho ya li taya endathana noya li taya imbi naamwatate naamwameme 78 300. Eihumbato lyaamboka ya li po olya gandja uunzapo kwaamboka haya longo pokapale hoka nosho wo kuyalwe mboka ya tsakanene nayo.