Omatseyitho

◼ Iileshomwa mbyoka tayi gandjwa muJuni: Omalongo gashili gOmbiimbeli ogeni naanaa? Juli naAuguste: Oto vulu okukala kuume kaKalunga nosho wo Ondjila ndjoka tayi fala komwenyo gwaaluhe mbela owe yi mona? nenge okabroshure kehe hoka egongalo lyeni li na mostoka hoka haka longithwa muukalele. Septemba naKotoba: Oshungolangelo no-Awake! Uuna to ningi omaishunoko, ulukila omunegumbo embo Omalongo gOmbiimbeli nenge wu mu pe okabroshure Kala ho pulakene kuKalunga opo wu ka kale nomwenyo sigo aluhe ngele oko ke mu opalela.

◼ Okavidio kedhina Our Whole Association of Brothers otaka ka kundathanwa pokugongala kwopailonga ku li komeho. Ngele opu na mboka kaaye ka na, nawu mbestelwe okupitila megongalo.

◼ Omagongalo ngoka ge ku uvithile kiitopolwa ihaayi longwa shito mo 2012 naga galulile oshitayimbelewa olopota yedhina Unassigned Territory Assignment (S-63), taye yi tumu pamwe niimoniwa ya dhenga mbanda mbyoka ya li ya mono, nosho wo okaalita kiitopolwa mbyoka ya longwa, manga omasiku 15 Juli 2012 inaaga pita.

◼ Opu na ompumbwe onene yaakuluntugongalo nosho wo aakokolindjila, mboka ye na ehalo lyokwiilonga elaka lyokuudhika ndyoka hali longithwa moSouth Africa, ya ye komahala taga landula: Northern Suburbs noKhayelitsha moCape Town, George, Port Elizabeth, naEast London. Kiitopolwa yimwe, otashi ka kala shi li nawa kuye aaiyambi mboka haya popi Oshixhosa. Ngele opu na ngoka e na ehalo na nyolele kOshikondo shIilonga (Service Department).