Omatseyitho

◼ Iileshomwa mbyoka tayi gandjwa muJuli naAuguste: Oto vulu okukala kuume kaKalunga nosho wo Ondjila ndjoka tayi fala komwenyo gwaaluhe mbela owe yi mona? nenge okabroshure kehe hoka egongalo lyeni li na mostoka hoka haka longithwa muukalele. Septemba naKotoba: Oshungolangelo no-Awake! Uuna to ningi omaishunoko, ulukila omunegumbo embo Omalongo gOmbiimbeli nenge wu mu pe okabroshure Kala ho pulakene kuKalunga opo wu ka kale nomwenyo sigo aluhe ngele oko ke mu opalela.

◼ Okangalo Sing to Jehovah—Vocal Renditions, Disc 5 otaka ka vula okutapwa ko-www.pr2711.com okuza mu 1 Auguste. Tango otaka ka tulwa ko owala mOshiingilisa, nokonima yethimbo omomalaka galwe gi ili nogi ili. Uu-CD otawu vulu okumbestelwa okupitila megongalo. Otaku ladhipikwa mboka taya vulu oku wu tapa ko-www.pr2711.com ye shi ninge, molwaashoka oshi na ombiliha shi vulithe okutuminwa oka-CD ko kene. Okangalo 1 sigo 4 otaka monika.

◼ Elandulathano lyokugongala lyoshiwike shoka tashi tetekele oshigongi shoshitopolwa otali vulu okulundululwa, opo mu endulule omayele nomadhimbulukitho ge na ko nasha noshigongi. Konima yoshigongi ngele pwa piti omwedhi gumwe nenge mbali, ningeni eendululo lyiitsa yoshigongi mbyoka aauvithi ya mona tayi ya kwathele muukalele, pehala lyoshitopolwa shoompumbwe dhegongalo.

◼ Ngele oto yi koshigongi shoshitopolwa koshilongo shilwe, oto vulu okumona uuyelele wa gwedhwa po kombinga yomasiku goshigongi shoka ko-www.pr2711.com, to thindi mpoka pwa nyolwa Conventions kohi yokapalanyolo Lookup.